Za dzień da zakančeńnia terminu zdačy padpisnych listoŭ bolš za 100 tysiač podpisaŭ u terytaryjalnyja kamisii pieradała tolki inicyjatyŭnaja hrupa Alaksandra Łukašenki.
Pra heta paviedamiŭ sakratar Centrvybarkama Mikałaj Łazavik.
Pavodle jaho słoŭ, astatnija pretendenty, vierahodna, vyrašyli pieradavać u terytaryjalnyja kamisii sabranyja podpisy ŭ apošni dzień.
Łazavik paviedamiŭ, što ŭ padtrymku vyłučeńnia kandydatam u prezidenty Łukašenki ŭ terytaryjalnyja kamisii pieradadzieny 1 młn. 123 tys. 581 podpis.
«Inicyjatyŭnaja hrupa Łukašenki 22 kastryčnika arhanizavana zdała padpisnyja listy i praktyčna spyniła zbor podpisaŭ. Na hetym tydni podpisy jany nie zdavali. Pieradvybarny štab vyrašyŭ dadatkova nie azadačvać inicyjatyŭnuju hrupu, bo zadańnie značna pieravykanana. Choć členy inicyjatyŭnaj hrupy mohuć prajavić samastojnaść i inicyjatyvu i zdać jašče podpisy», — paviedamiŭ Łazavik.
Pavodle słoŭ sakratara Centralnaj kamisii,
«kali aryjentavacca pa tempach zdačy podpisaŭ, to pretenduje na vykanańnie zadačy Sańnikaŭ, Niaklajeŭ i Ramančuk».
Pavodle źviestak na 28 kastryčnika, za vyłučeńnie kandydatam u prezidenty lidara kampanii «Jeŭrapiejskaja Biełaruś» Andreja Sańnikava ŭ terytaryjalnyja kamisii było pieradadziena amal 100 tysiač podpisaŭ, za lidara kampanii «Havary praŭdu!» Uładzimira Niaklajeva — kala 95 tysiač, za namieśnika staršyni Abjadnanaj hramadzianskaj partyi Jarasłava Ramančuka — kala 80 tysiač.
«Inicyjatyŭnyja hrupy, jakija składajucca z dobrasumlenna pracujučych prychilnikaŭ patencyjalnych kandydataŭ siońnia mohuć atrymać zdavalniajučuju infarmacyju, što ich praca pryviała da žadanaha vyniku», — skazaŭ Łazavik.
Nahadajem, zajaŭlałasia, što nieabchodnyja sto tysiač podpisaŭ sabrali 11 inicyjatyŭnych hrup.
Terytaryjalnyja vybarčyja kamisii zavieršać pryjom padpisnych listoŭ 29 kastryčnika ŭ 19.00.
