Kiraŭnik MZS Rasii Siarhiej Łaŭroŭ, jaki znachodzicca ź vizitam u Polščy, spadziajecca, što na majučych adbycca vybarach prezidenta biełarusaŭ nie prymusiać rabić vybar pamiž prarasijskaj abo prazachodniaj aryjentacyjaj ich krainy.
Vybary kiraŭnika biełaruskaj dziaržavy adbuducca 19 śniežnia.
«My vielmi nie chacieli b paŭtoru situacyi šaścihadovaj daŭniny, kali pierad (prezidenckimi) vybarami va Ukrainie hučali hałasy, što ŭkraincy pavinny vyznačycca, z kim jany: ź Jeŭropaj ci z Rasijaj», — zajaviŭ Łaŭroŭ na pres‑kanfierencyi ŭ Varšavie.
Pavodle jaho słoŭ, jość usie padstavy mierkavać, što padobnaha pryzyvu na hety raz nie prahučyć.
«Pierš za ŭsio heta tłumačycca tym, što ŭ Jeŭropie i ŭ Rasii niama razychodžańniaŭ ŭ tym, što tyčycca zadač raźvićcia i roskvitu ŭsioj našaj ahulnaha prastory», — skazaŭ rasijski ministr.Łaŭroŭ taksama vykazaŭ nadzieju na toje, što vybary ŭ Biełarusi projduć sumlenna i svabodna, nahadaŭšy, što Miensk zaprasiŭ zamiežnych naziralnikaŭ.
U svaju čarhu, kiraŭnik MZS Polščy Radasłaŭ Sikorski vykazaŭ žadańnie, kab hetyja vybary ŭ Biełarusi «prajšli lepš, čym papiarednija». «Pakolki heta jeŭrapiejskaja dziaržava, chaciełasia b, kab tam ŭžyvalisia i jeŭrapiejskija standarty, u tym liku ŭ adnosinach da čyścini i transparentnaści prezidenckich vybaraŭ», — zajaviŭ kiraŭnik MZS Polščy.
