Akt ab pamiłavańni prymierkavany da dziaržaŭnaha śviata — Dnia abviaščeńnia Čechasłavaččyny. U karotkim śpisie asobaŭ, jakim udzialajecca pamiłavańnie, i imia hramadzianina Biełarusi Siarhieja Naprejenki.
Prezydenckim pamiłavańniem byli anulavanyja dźvie raniejšyja pastanovy ab vydvareńni Naprejenki za jaho nielehalny pobyt. Jak adznačajecca na aficyjnym sajcie Praskaha hradu, prezydent uziaŭ pad uvahu toje, što ŭ vypadku viartańnia na radzimu Naprejenku pahražaŭ by palityčny pieraśled. U rašeńni prezydenta taksama adznačajecca, što Naprejenka pryjechaŭ u Čechiju lehalna i nijakich inšych parušeńniaŭ zakonu (akramia niedazvolenaha znachodžańnia ŭ krainie) nie ździajśniaŭ. Prośbu pra pamiłavańnie padtrymała i českaja filija pravaabarončaj arhanizacyi Amnesty International.
Vypadak Naprejenki ad pačatku vyhladaŭ bieznadziejna:
pavodle infarmacyi českich niedziaržaŭnych struktur, u krainu jon pryjechaŭ pa
Siarhiej Naprejenka vyjechaŭ ź Biełarusi, pavodle dastupnaj nam infarmacyi, 13 hadoŭ tamu.
Nichto z aŭtarytetnych biełaruskich pravaabaroncaŭ, da jakich my źviarnulisia siońnia, nie pryhadvaje ni čałavieka z takim proźviščam, ni źviazanaj ź im biełaruskaj padziei.
U kožnym vypadku, jany vykazali zadavalnieńnie, što čałavieku dapamahło jaho biełaruskaje hramadzianstva. Ź inšaha boku, heta aznačaje, što Biełaruś pahłyblajecca ŭ svaim statusie krainy niebiaśpiečnaj dla ŭłasnych hramadzian: navat tyja, chto prosta nizavošta nia choča viartacca dadomu, mohuć znajści padtrymku za miažoj.
U najnoŭšaj českaj historyi heta taksama vyklučny vypadak.
Sučasny prezydent Vacłaŭ Kłaŭs, u adroźnieńnie ad svajho papiarednika Vacłava Haŭła, na pamiłavańni vielmi skupy. Prava pamiłavańnia, dadzienaje prezydentu Kanstytucyjaj, Kłaŭs razhladaje jak feadalny pieražytak, što «nie adpaviadaje standartam demakratyčnaj pabudovy hramadztva». Śpis pamiłavanych Vacłavam Haŭłam niaredka pieravyšaŭ sto čałaviek. U sioletnim śpisie pamiłavanych Kłaŭsam — vosiem asobaŭ, siarod ich piać žančyn. Adna ź ich była asudžanaja za padrobku dakumentaŭ dla kredytu, inšaja, što pracavała ŭ hośpisie,
dała nievylečna chvoraj mocny supakajalny lek, jaki, adnak nia byŭ vypisany doktaram.
Siarhiej Naprejenka, jaki vyklučna patrapiŭ u hety śpis, moža śviatkavać dziaržaŭnaje českaje śviata i vielikadušnaść demakratyi: tut z pakarańniem čałavieka lepš niedahnuć, čym pierahnuć.
