Pretendent na pasadu prezidenta, lidar kampanii «Havary praŭdu!» Uładzimir Niaklajeŭ nie vyklučaje pryvatyzacyi biełaruskich naftapravodaŭ i naftapierapracoŭčych pradpryjemstvaŭ.Pra heta jon zajaviŭ 28 kastryčnika padčas prezientacyi svajoj źniešniepalityčnaj daktryny.
Jak adznačyŭ Niaklajeŭ, z ulikam taho intaresu, jaki vykazvaje Rasija da tranzitnaha i naftapierapracoŭčaha kompleksu Biełarusi, šmat u kaho źjaŭlajecca ŭražańnie, što takija dziejańni pahražajuć nacyjanalnaj biaśpiecy krainy. «My nie možam vyklučyć rasijski kapitał z takoj umovaj, chočam my jaho ŭsprymać tut, abo nie. Jon isnuje, i jon taki, jaki jon jość. Treba prosta dakładna vyznačycca, što jamu tut rabić. Dla mianie jość jasny adkaz na hetaje pytańnie.
Rasijski kapitał pavinien skuplać tut toje, što i tak, pa sutnaści, zaležyć ad Rasii. I što, pa vialikim rachunku, akramia Rasii, nikomu nie treba», — zajaviŭ Niaklajeŭ.
U jakaści prykładu jon pryvioŭ naftapravody, jakija, pavodle jaho słoŭ, patrabujuć «kapitalnaha ramontu, na jaki ŭ Biełarusi niama hrošaj». «Toje, što jany patrebnyja Zachadu, ja mahu ŭjavić tolki ŭ adnym vypadku:
kali niejki śpiekulant na Zachadzie pavykuplaje hetyja praduktapravody i pradaść ich nazad Rasii», — skazaŭ palityk.
«Tyja ž naftapierapracoŭčyja zavody, jakija pracujuć na rasijskaj syravinie. Kali rasijskija kampanii ŭvojduć tudy jak ułaśniki, to ź imi možna budzie lahčej vieści pieramovy, lahčej vyrašać pytańni, jakija na siońniašni dzień nie vyrašajucca», — adznačyŭ Niaklajeŭ.
Kiraŭnik vybarčaha štaba Niaklajeva Andrej Dźmitryjeŭ adznačyŭ, što ciapier kapitał nie maje nacyjanalnaj prynaležnaści:«Kali navat chtości siońnia pryvatyzuje trubapravod z Hiermanii abo Vialikabrytanii, to heta nie značyć, što heta byŭ nie rasijski kapitał, vyviezieny za miažu».
Akramia taho,
jak adznačyła palitołah Śviatłana Navumava, rasijski kapitał, jaki moža pryjści ŭ Biełaruś, nie abaviazkova budzie aliharchičnym.«U Rasii źjaviłasia «druhaja chvala» pradprymalnikaŭ i biźniesmienaŭ, jakija majuć namier vieści svoj biźnies prazrysta i adkryta», — adznačyła jana.
