Z pačatku hoda biełarusaŭ pamienieła na 14,4 tys. čałaviek 1

Jak paviedamlaje Nacyjanalny statystyčny kamitet,

na 1 kastryčnika ŭ krainie žyło 9 młn. 465,8 tys. čałaviek. Infarmacyja atrymana pavodle źviestak najaŭnaha ŭliku i papiarednich vynikaŭ pierapisu nasielnictva 2009 hoda.

Jak patłumačyli ŭ Biełstacie, skaračeńnie kolkaści nasielnictva abumoŭlena pieravyšeńniem na 21.606 čałaviek kolkaści pamierłych nad kolkaściu narodžanych pry stanoŭčym mihracyjnym pryroście 7.229 čałaviek.

U Minsku za dzieviać miesiacaŭ 2010 hoda kolkaść nasielnictva pavialičyłasia z 1 młn. 834,2 tys. da 1 młn. 843 tys. U astatnich rehijonach hety pakazčyk źniziŭsia. U Homielskaj vobłaści na 1 kastryčnika naličvałasia 1 młn. 435,2 tys. žycharoŭ (na 1 studzienia 2010 hoda — 1 młn. 438,3 tys.), u Minskaj — 1 młn. 415,3 tys. (1 młn. 418,9 tys.), Bresckaj — 1 młn. 397 tys. (1 młn. 398,7 tys.), Viciebskaj — 1 młn. 222,5 tys. (1 młn. 228,6 tys.), Mahiloŭskaj — 1 młn. 86,1 tys. (1 młn. 91,9 tys.), Hrodzienskaj — 1 młn. 66,7 tys. (1 młn. 69,6 tys.).

Za studzień-vierasień 2010 hoda ŭ krainie naradzilisia 80.819 dziaciej (na 2.126 mienš u paraŭnańni sa studzieniem-vieraśniem 2009 hoda), pamierli 102.425 čałaviek (na 2.706 bolš).

U krainu prybyli 12.261 čałaviek, vyjechali 5.032.

U studzieni-vieraśni 2010 hoda ŭ paraŭnańni sa studzieniem-vieraśniem 2009 hoda kolkaść zarehistravanych šlubaŭ skaraciłasia na 2,3% (da 59.668), razvodaŭ — pavialičyłasia na 2,3% (25.690). U studzieni-vieraśni 2010 hoda na 1 tys. šlubaŭ prypadaŭ 431 razvod, za anałahičny letašni pieryjad — 411.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH