Kitajcy jašče nie vyznačylisia, ci buduć ładzić vytvorčaść lehkavikoŭ u Biełarusi

Šerah kitajskich kampanij prajaŭlaje intares da budaŭnictva zavoda ŭ Biełarusi pa vytvorčaści lehkavych aŭtamabilaŭ, ale na siońnia kančatkovaje rašeńnie jany nie pryniali,

zajaviŭ učora na bryfinhu Dźmitryj Korčyk, načalnik hałoŭnaha ŭpraŭleńnia inavacyjnaj i inviestycyjnaj dziejnaści Ministerstva pramysłovaści.

Jon udakładniŭ, što kitajskim partnioram pakazali 3 placoŭki ŭ Minskim rajonie i Minskaj vobłaści, dzie mahčyma arhanizavać vytvorčaść lehkavych aŭtamabilaŭ, i što ciapier idzie ekanamičny raźlik abjomaŭ kapitałaŭkładańniaŭ. Cikava,

što viaducca pieramovy z kampanijami jašče ź inšych krain,

ale Dźmitryj Korčyk nie staŭ nazyvać hetyja kampanii, spasłaŭšysia na surjoznaść pracesu i niekatoryja niuansy.

Darečy, zaraz, pa słovach Dźmitryja Alaksandraviča, zaviaršajucca ŭzhadnieńni ź iranskim bokam umoŭ pa raźvićci vytvorčaści na ZAT «JUNISON» (dzie naładžana zborka aŭtamabilaŭ «Samand») — z pačatku 2011 hoda ŭ hetaha prajekta pavinna pačacca 2-aja faza «ŭ častcy łakalizacyi vytvorčaści».

Bolš peŭnaści ŭ realizacyi sumiesnaha prajekta Minskaha matornaha zavoda i amierykanskaj kampanii «Novistar»:

— Zaraz hetaje supracoŭnictva aktyŭna abmiarkoŭvajecca, i my płanujem padpisać adpaviednaje pahadnieńnie nakont stvareńnia ŭ Biełarusi vytvorčaści mahutnych ruchavikoŭ, bolš za 300 k.s. dla sielskahaspadarčaj techniki, — skazaŭ Dźmitryj Korčyk.

Jon ža raskazaŭ i pra vytvorčaść aŭtobusaŭ na Minskim aŭtamabilnym zavodzie: u pierśpiektyvie płanujecca pavialičyć mahutnaści vytvorčaści aŭtobusaŭ na MAZie i vyjści na rynak z bolš sučasnymi ruchavikami JEŬRA-4 i JEŬRA-5. Siońnia Minski aŭtamabilny zavod vypuskaje kala 2 tysiač aŭtobusaŭ za hod i maje dastatkova šyrokuju liniejku madelaŭ.

Zaraz Ministerstva pramysłovaści rychtujecca da Biełaruskaha inviestycyjnaha forumu, jaki projdzie ŭ Frankfurcie-na-Majnie 17 listapada — tam Minpram budzie adkazny za treciuju siekcyju pad nazvaj «Pierśpiektyŭnyja napramki dla inviestavańnia (pramysłovaść i sielskaja haspadarka). Pryvatyzacyja jak sposab pryciahnieńnia inviestycyj». Pa słovach Dźmitryja Korčyka, na hetaj siekcyi budzie prezientavana 17 inviestycyjnych prajektaŭ na ahulnuju sumu 2,832 miljarda dołaraŭ, nakiravanych na pryciahnieńnie pramych inviestycyj. Siarod samych bujnych — prajekty budaŭnictva zavoda pa vytvorčaści listavoha prakatu na BMZ (1,266 miljarda dołaraŭ), budaŭnictva kompleksu pa zarezu i pierapracoŭcy ptuški na Smalavickaj brojlernaj ptuškafabrycy (46 miljonaŭ dołaraŭ), budaŭnictva cecha azotnaj kisłaty mahutnaściu 1200 ton za sutki na AAT «Hrodna Azot» (95,5 miljona dołaraŭ), stvareńnie vytvorčaści šmatfunkcyjanalnych plonačnych vyrabaŭ u SEZ «Mahiloŭ» (30 miljonaŭ dołaraŭ), a taksama budaŭnictva novaha cukrovaha zavoda (450 miljonaŭ dołaraŭ) i novaj vytvorčaści pa vypusku kamvolnych tkanin (192,5 miljona dołaraŭ). Jak adznačyŭ Dźmitryj Alaksandravič, inviestycyjny forum pavinien prajści dobra i, darečy, užo zaraz da jaho adčuvajecca intares.

Kali kazać pra inviestycyi ŭ asnoŭny kapitał, to za apošnija 5 hadoŭ arhanizacyi Minprama pryciahnuli ŭ abnaŭleńnie asnoŭnych srodkaŭ bolš za 2,5 miljarda dołaraŭ. Za hety ž samy pieryjad znos asnoŭnych fondaŭ pradpryjemstvaŭ Ministerstva pramysłovaści skaraciŭsia z 85% da 69,1%.

Jak adznačyŭ Dźmitryj Korčyk, usie pieradumovy dla vykanańnia płanavych pakazčykaŭ pa pryciahnieńni inviestycyj u 2010 hodzie zroblenyja, tamu jon spadziajecca, što pradpryjemstvy vykanajuć pastaŭlenyja pierad imi zadačy ŭ hetaj śfiery. Taksama jon paviedamiŭ, što Ministerstva pramysłovaści maje ambicyjnyja płany i na nastupnuju piacihodku: užo padrychtavana bolš za sotniu inviestycyjnych prajektaŭ z metaj pavieličeńnia abjomu vytvorčaści i vychadu na stanoŭčaje salda źniešniaha handlu.

0

0

0

0

0

0

Pavieł Bieraśnioŭ, Źviazda

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH