U Minsku adkryłasia 17-ja Mižnarodnaja turysckaja vystava «Turbiźnies-2010»

27 kastryčnika ŭ staličnym Nacyjanalnym vystavačnym centry «Biełekspa» pa vulicy Janki Kupały, 27, adkryłasia 17-ja Mižnarodnaja turysckaja vystava «Turbiźnies-2010».

Arhanizatary vystavy — Nacyjanalny vystavačny centr «Biełekspa» Kiraŭnictva spravami prezidenta i Ministerstva sportu i turyzmu.

Jak zajaviŭ na adkryćci namieśnik ministra sportu i turyzmu Česłaŭ Šulha, vystava zaklikana stać miescam sustrečy dziełavych ludziej, jakija pracujuć u śfiery akazańnia turysckich pasłuh. U joj biaruć udzieł 130 ekspanientaŭ z 14 krain. Dla paraŭnańnia: u 2009 hodzie na ekspazicyi byli pradstaŭleny 115 firm z 12 krain śvietu. «Rost kolkaści ekspanientaŭ — heta dobraje paćviardžeńnie tamu, što cikavaść da turyzmu ŭ Biełarusi raście», — adznačyŭ Šulha.

Pavodle jaho słoŭ, vystava «Turbiźnies» — znakavaje mierapryjemstva dla Biełarusi. «Jana ŭnosić hodny ŭkład u dynamiku raźvićcia turystyčnaj haliny, zabiaśpiečvaje biełarusam kamfortnyja mahčymaści dla adpačynku i vandravańniaŭ», — skazaŭ Šulha.

Tematyka vystavy ŭklučaje ŭjazny-vyjazny, spartyŭny i pryhodnicki, siamiejny i dziciačy, palaŭničy turyzm. Na ekspazicyi pradstaŭleny taksama transpartnyja kampanii, abstalavańnie turystyčnych ahienctvaŭ, hatelaŭ, spartyŭny i turystyčny ryštunak i abstalavańnie, adzieńnie, kartahrafičnaja i suvienirnaja pradukcyja. Akramia taho, da tematyki vystavy adnosicca padrychtoŭka turystyčnych kadraŭ, strachavańnie i biaśpieka ŭ turyźmie.

Jak paviedamiŭ Šulha, u situacyi finansava-ekanamičnaha kryzisu Biełaruś zmahła ŭtrymać płanku raźvićcia turystyčnaj haliny. Pa vynikach minułaha hoda ekspart turpasłuh u Biełarusi pavialičyŭsia na 2,5%, tady jak u bolšaści susiednich krain Zachodniaj Jeŭropy kolkaść turystaŭ pamienšyłasia. Pavodle słoŭ Šulhi, pa vynikach 8 miesiacaŭ 2010 hoda adznačajecca «ŭstojlivaja dynamika rostu pakazčykaŭ pracy turystyčnaj haliny». Ekspart turpasłuh vyras na 42%, abjom płatnych turystyčnych pasłuh — na 36%.

Prahrama vystavy praduhledžvaje prezientacyi novych turystyčnych maršrutaŭ, kruhłyja stały pa aktualnych pytańniach raźvićcia turyzmu, pytańniach elektronnaha dystancyjnaha navučańnia kadraŭ, tematyčnyja sieminary i inšyja mierapryjemstvy.

Vystava budzie pracavać da 30 kastryčnika.

0

0

0

0

0

0

Anastasija Janušeŭskaja, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH