Siem čałaviek, paciarpiełych ad vybuchu ŭ Pinsku, znachodziacca ŭ vielmi ciažkim stanie ŭ Minsku

Stan siami paciarpiełych ad vybuchu ŭ Pinsku, jakija zaraz znachodziacca ŭ apiokavym centry Haradskoj kliničnaj balnicy chutkaj miedycynskaj dapamohi Minska, zastajecca vielmi ciažkim.

Jak paviedamiŭ hałoŭny lekar balnicy Viktar Sirenka, usie paciarpiełyja padklučany da aparataŭ štučnaj vientylacyi lohkich.

Čakajecca, što siońnia ź Pinskaj centralnaj balnicy ŭ Minsk pieraviazuć jašče adnaho ci dvuch paciarpiełych, paviedamiŭ jon.

Jak miarkujecca, pryčynaj NZ na zavodzie «Pinskdreŭ-DSP» 25 kastryčnika staŭ vybuch adkładańniaŭ draŭnianaha pyłu ŭ vyniku parušeńnia režymu ekspłuatacyi abstalavańnia pa vytvorčaści draŭniana-paliŭnych hranuł. Zahinuli try čałavieki: cieły dvuch byli vyciahnuty ratavalnikami z-pad zavałaŭ, treci pamior paźniej u reanimacyjnym adździaleńni Pinskaj centralnaj balnicy. Ich pachavańnie adbudziecca siońnia ŭ Pinsku.

Pa fakcie vybuchu prakuratura Bresckaj vobłaści raspačała spravu na padstavie č. 2 art. 302 Kryminalnaha kodeksa (parušeńnie pravił vytvorča-techničnaj dyscypliny, pravił biaśpieki na vybuchovaniebiaśpiečnych pradpryjemstvach abo ŭ vybuchovaniebiaśpiečnych cechach ci pravił biaśpieki vybuchovaniebiaśpiečnych rabot).

Vasiamnaccać paciarpiełych rabočych znachodziacca ŭ balnicach Pinska, Bresta i Minska.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH