Heta praduhledžana pastanovaj Savieta Ministraŭ №1526, paviedamiła hałoŭny inžynier upraŭleńnia žyllovaj haspadarki Minžyłkamhasa Vijaleta Andryjanava.
Pastanovaj uniesienyja źmieny ŭ Pałažeńnie ab paradku pierabudovy i pierapłaniroŭki žyłych pamiaškańniaŭ u šmatkvaternych žyłych damach i Pałažeńnie ab paradku rekanstrukcyi adnakvaternych, błakiravanych žyłych damoŭ i niežyłych pabudoŭ na prydamovaj terytoryi.
Praduhledžany vyčarpalny minimalny pieralik rabot, jakija patrabujuć dazvołu miascovaha vykanaŭčaha i rasparadčaha orhanu, a taksama abaviazkovaj raspracoŭki prajektnaj dakumientacyi. U hety pieralik uklučany tolki tyja pracy, jakija zakranajuć apornyja kanstrukcyi, inžyniernyja sistemy, i ad jakich zaležyć zachavanaść asobnych pamiaškańniaŭ i žyłoha doma ŭ cełym.
U toj ža čas pašyrany pieralik ramontna-budaŭničych rabot, jakija nie patrabujuć dazvołu vykankama i raspracoŭki prajektu. U jaho dadatkova ŭvajšli raboty pa demantažy vannaj i ŭstanoŭcy dušavoj kabiny, pieranosu isnujučaj i (abo) ŭstanoŭcy dadatkovaj vodarazbornaj armatury, zamienie ŭnutrykvaternych trubapravodaŭ vodazabieśpiačeńnia i kanalizacyi, a taksama padłohavaha pakryćcia.
Novyja redakcyi pałažeńniaŭ ŭstupiać u siłu praź miesiac paśla aficyjnaha apublikavańnia pastanovy, jakaja była pryniataja 20 kastryčnika.
