paviedamiła ŭpraŭleńnie infarmacyi i hramadskich suviaziej MUS.
Za 9 miesiacaŭ hetaha hoda na terytoryi krainy było zarehistravana 1.197 faktaŭ falšyvamaniectva, ź ich prykładna 45% źviazany z vyjaŭleńniem rasijskich falšyvych hrošaj. U
sio heta adbyvajecca na fonie skaračeńnia vypadkaŭ raspaŭsiudžvańnia padroblenych dołaraŭ ZŠA i jeŭra.
Takaja tendencyja adznačajecca z 2007 hoda i, jak adznačyli ŭ MUS, źviazana z prazrystaściu miežaŭ, a taksama z vysokaj stupieńniu intehracyi ŭ ramkach SND. U bolšaści svajoj falšyŭki ŭvoziacca z Rasii dobrasumlennymi zbytčykami — hastarbajterami, jakija vyjazdžajuć za tavaram pradprymalnikami, hramadzianami, što ažyćciaŭlajuć turystyčnyja i haściavyja pajezdki.
Tolki za 20 dzion kastryčnika raspačatyja 72 kryminalnyja spravy pa kanfiskacyi padroblenych rasijskich banknot: naminałam 5 tysiač rubloŭ CB RF — 7 faktaŭ, naminałam 1 tysiača rubloŭ CB RF — 65. Apošnija čaściej za ŭsio vyjaŭlajucca ŭ Minsku, a taksama pryhraničnych z Rasijaj abłaściach (Viciebskaj, Homielskaj i Mahiloŭskaj). Heta nastupnyja sieryjnyja numary:
aŁ12257., aŁ21501., aŁ24201., aŁ97372., oN37025., oN73995., tM10252., tM13992., tN42148., tP72125., M32224., M34377., M72184., P40228.
Jak praviła, padroblenaja rasijskaja valuta vyrablena na strujnym pryntery i składajecca z dvuch sklejenych pamiž saboj listoŭ. Śpiecyjalisty rekamiendujuć źviartać uvahu, u pryvatnaści, na vadziany znak (u paraŭnańni z sapraŭdnaj banknotaj bačny niedakładna, maje mienšy kantrast), achoŭnuju nitku (na zadnim baku falšyvaj banknoty krai vychadaŭ achoŭnaj nitki na pavierchniu niaroŭnyja, vydzialajucca bolš dakładna) i mikratekst (znaki majuć značnyja raspłyvy farby, čytajucca drenna abo nie čytajucca), mikrapierfaracyju, jakaja praviarajecca na praśviet (ukazany naminał banknoty). Dla falšyvych hrošaj charakternyja skraznyja mikraadtuliny roznaj vieličyni, intervały pamiž jakimi nieadnolkavyja, linii radkoŭ skryŭlenyja.
MUS Biełarusi zaklikaje hramadzian nie kuplać valutu z ruk i nie ŭdzielničać u sumniŭnych ździełkach, u tym liku za miažoj.
