Maładafrontaŭcy źviarnulisia da kiraŭnictva Nacyjanalnaha banka Biełarusi z patrabavańniem pryvieści ličebniki na hrašovych adzinkach u adpaviednaść z sučasnymi moŭnymi praviłami.
Siońnia aktyvisty Maładoha Frontu nakiravali zajavy ŭ Nacyjanalny bank Respubliki Biełaruś.
«Ja, hramadzianin Respubliki Biełaruś, jaki karystajecca ŭ žyćci biełaruskaj movaj, patrabuju, kab na praktycy realizoŭvalisia zakanadaŭčyja akty pra movy ŭ Respublicy Biełaruś. Patrabuju pryvieści biełaruskija hrašovyja adzinki ŭ adpaviednaść z novymi praviłami arfahrafii,« — paviedamlajecca ŭ zajavie.
Maładafrontaŭcy zaznačajuć, što z 1 vieraśnia 2010 hodu ŭstupili ŭ dziejańnie novyja praviły biełaruskaj arfahrafii. Niekatoryja z hetych praviłaŭ datyčycca i ličebnikaŭ, jakija, u tym liku, raźmieščanyja na našaj nacyjanalnaj valucie — biełaruskich rublach.
U pryvatnaści, pa novych praviłach, ličebnik «50» zaraz pišacca «piaćdziasiat», adnak na kupiurach pakul što napisana «piaćdziesiat» («piaćdziesiat tysiač rubloŭ»).
0
0
0
0
0
0