Inšymi słovami, papiaredniaj pryčynaj vybuchu MNS ličyć adsutnaść nieabchodnaj vientylacyi ŭ pamiaškańni.
Ab vialikaj zapylenaści na miescy katastrofy «NN» paviedamili i supracoŭniki fabryki.
Tak zvanyja «abjomnyja vybuchi» źjaŭlajucca adnoj z samych niebiaśpiečnych źjavaŭ na vytvorčaści. Pry adsutnaści nieabchodnaj vientylacyi u pamiaškańniach nievialikich pamieraŭ (mukamolny cech, pradpryjemstva pa pierapracoŭcy cukru, vuhalnaja šachta) ščylnaje vobłaka pyłu luboha haručaha rečyva robicca niebiaśpiečnym. U takich umovach dastatkova mizernaj krynicy ahniu, kab admyŭsia vybuch.
Vybuch drobnaha draŭlanaha piłavińnia, uźniataha ŭ pavietra, zdolny buryć ścieny z pryčyny vializnaj płoščy kantaktu rečyva z kisłarodam.Za doli siekundy ŭspychvaje nadzvyčaj vialiki abjom.
Da taho ž
vytvorčaść paliŭnych hranuł (pialetaŭ) źviazanaja z vysokimi tempieraturami.Syravinu dla ich (piłavińnie, karu i h.d.) raścirajuć da kansistencyi muki. Atrymanaja masa idzie ŭ sušyłku, adtul — u
U MNS taksama zaznačajuć, što pavodle śviedkaŭ zdareńnia ŭ pamiaškańni cechu vybuchnuli paravyja katły, adnak hetaja viersija pakul nie paćvierdžanaja.
Na pradpryjemstvie «Pinskdreŭ» nijakich kamientaroŭ adnosna zdareńnia 25 kastryčnika nie dajuć. U pryjomnaj hienieralnaha dyrektara chołdynha Łarana Aryniča razmaŭlać ab vybuchu na pradpryjemstvie admovilisia.
Kiraŭnictva fabryki paviedamiła tolki, što płanuje akazać paciarpiełym i siemjam zahinułych materyjalnuju dapamohu. Jaje pamier nie udakładniajecca.
Kančatkova pryčyny zdareńnia stanuć viadomyja paśla razboru zavałaŭ.
