Adam Hłobus lubić šakavać.
Lavon Volski vyrašyŭ «lehalizavać zaniatki litaraturnaj dziejnaściu».
Rada Sajuza biełaruskich piśmieńnikaŭ pryniała muzyku ŭ šerahi arhanizacyi. Rekamiendavali jaho dla ŭstupleńnia ŭ sajuz Aleś Paškievič i Barys Piatrovič. Litaraturnaja spadčyna rok-muzyki ŭvasobiłasia ŭ zbornikach paezii «Kalidor» (1993) i «Fotaalbom» (2000). U bližejšy čas Volski abiacaje vydać raman, napisany ŭ 1990-ch. I padrabiaznaściaŭ pakul nie raskryvaje.
Adnačasova Volski padaŭ zajavu na ŭstupleńnie ŭ Biełaruski PEN-Centr, ale tam pracedura pryniaćcia daŭžejšaja.
A voś Adama Hłobusa druhi raz nie pryniali ŭ Sajuz mastakoŭ Biełarusi.
Na pašyranym pasiadžeńni Rady mastaku admovili ŭ siabroŭstvie ŭ sajuzie. «Abhruntavali tym, što ja — nie čałaviek. Savič skazaŭ: «Paetam možaš ty nie być, a čałaviekam abaviazany».
Hłobus narakaje, što mastaki Uładzimir Savič, Siarhiej Cimochaŭ i Ryhor Sitnica pakryŭdzilisia na jaho za knižku «sUčaśniki», dzie napisana i ab ich.
Hłobus pakryŭdžany admovaj.
Padčas hałasavańnia na biuro Sajuza mastakoŭ i na siekcyi žyvapisu adnahałosna jaho kandydaturu padtrymali. Rekamiendavali ŭ sajuz Hłobusa Uładzimir Toŭścik, Alaksandr Hryškievič, Uładzimir Kožuch (staršynia mastackaj siekcyi).
Dla piśmieńnika i mastaka heta nie adzinaja arhanizacyja, u jakuju jaho nie prymajuć. Trojčy Hłobusu admaŭlali va ŭstupleńni ŭ PEN-Centr — taksama ŭ vyniku asabistych kanfliktaŭ.