25 kastryčnika pretendent u prezidenty Uładzimir Niaklajeŭ padaje ŭ Centrvybarkam zajavu ab vyklučeńni sa składu svajoj inicyjatyŭnaj hrupy 80 čałaviek.Palityk prosić anulavać paśviedčańni i vyklučyć ź inicyjatyŭnaj hrupy nazvanych asob, a taksama nie ŭličvać podpisy, jakija mohuć padavać hetyja ludzi. Inicyjatyŭnaja hrupa Uładzimira Niaklajeva strachujecca na vypadak mahčymych pravakacyjaŭ, jakija praciahvajucca.
Načalnik štaba Andrej Dźmitryjeŭ raskazaŭ, što pravakacyi ŭ dačynieńni da inicyjatyŭnaj hrupy Uładzimira Niaklajeva praciahvajucca. Tamu hrupa robić nieabchodnyja zachady pa niedapuščeńni i pieraduchileńni mahčymych pravakacyj.
«Sabranyja za vyłučeńnie Uładzimira Niaklajeva podpisy budziem pieradavać 27, 28 i 29 kastryčnika. I pieradavać podpisy buduć tolki rehijanalnyja kaardynatary. Mienavita rehijanalnyja kaardynatary źbirajuć podpisy ŭ vałancioraŭ, a zatym pieradajuć ich u terytaryjalnyja vybarkamy.
Takim čynam my sprabujem zaścierahčy siabie ad mahčymych pravakacyj. My pravodzim unutranuju pravierku sabranych podpisaŭ, brak, naturalna, adsiavajem. A pravakacyi skiravanyja na pavieličeńnie kolkaści braku. Kali my budziem bačyć niajakasnuju pracu, da jakoj nie majuć dačynieńnia našy rehijanalnyja kaardynatary, značyć, heta nie naš brak», — paviedamiŭ A. Dźmitryjeŭ.
Pa słovach kiraŭnika inicyjatyŭnaj hrupy, pa ŭsioj Biełarusi zafiksavana niekalki faktaŭ, kali podpisy za Uładzimira Niaklajeva źbirajuć ludzi, jakija nie naležać da jaho inicyjatyŭnaj hrupy:
«Takija fakty zarehistravanyja nie tolki ŭ Barysavie; takija fakty viadomyja ŭ Viciebsku, u Pinsku. Chodziać ludzi i źbirajuć podpisy za Niaklajeva, choć nijakaha dačynieńnia da našaj inicyjatyŭnaj hrupy nie majuć. U Barysavie, naprykład, schapili za ruku, što nazyvajecca, kankretnaha žyvoha čałavieka, jaki źbiraŭ podpisy z paśviedčańniem siabra inicyjatyŭnaj hrupy Niaklajeva. Ale čałavieka z takim proźviščam, imiem i imiem pa baćku ŭ našaj inicyjatyŭnaj hrupie niama, i Centrvybarkam nie vypisvaŭ paśviedčańnie na takoha čałavieka».
Andrej Dźmitryjeŭ ličyć, što meta takich pravakacyjaŭ — «pieraškodzić zboru podpisaŭ za Uładzimira Niaklajeva. Prychodziać siabry našaj inicyjatyŭnaj hrupy da vybarščyka, a im kažuć: a ja ŭžo padpisaŭsia».
«Paśla vyniasieńnia papiaredžańnia inicyjatyŭnaj hrupie Niaklajeva my praviali ŭnutranaje rasśledavańnie, vyjavili ludziej, jakija pieradavali paśviedčańni siabraŭ inicyjatyŭnaj hrupy Uładzimira Niaklajeva trecim asobam, i nakiravali ŭ Centrvybarkam zajavu z prośbaj vyklučyć ich z hrupy. Ale my praviali bolš šyrokuju pravierku ŭnutry hrupy, vyjavili niesumlennych siabraŭ hrupy i tym samym sprabujem zaścierahčy siabie ad mahčymych pravakacyj. U śpisach, jakija my padali ŭ Centrvybarkam na vyklučeńnie, — kala 80 čałaviek. Ale niahledziačy na heta, naša inicyjatyŭnaja hrupa
Pravaabaronca Raisa Michajłoŭskaja adznačaje, što biełaruskaje zakanadaŭstva nie rehuluje praceduru vychadu sa składu inicyjatyŭnaj hrupy. A heta pahražaje nastupstvami dla samoha pretendenta.
«Zakon nie rehuluje vychad i vyklučeńnie ź inicyjatyŭnaj hrupy. Z vychadam usio
