Ministry zamiežnych spraŭ krain Jeŭrasajuza na sustrečy ŭ Luksiemburhu damovilisia pieradać zajaŭku Sierbii na ustupleńnie ŭ ES dla razhladu Jeŭrapiejskaj kamisii.
Heta pieršy krok na šlachu dałučeńnia Sierbii da ES. Aficyjnuju zajaŭku Białhrad padaŭ u śniežni minułaha hoda. Ciapierašniaje rašeńnie stała mahčymym paśla taho, jak sierbskija ułady pahadzilisia pačać pieramovy z uładami Kosava, jakoje abviaściła svaju niezaležnaść.
Razam z tym, u zajavie ministraŭ havorycca, što umovaj lubych dalejšych krokaŭ, nakiravanych na ustupleńnie Sierbii ŭ ES, źjaŭlajecca ŭpeŭnienaść usich dziaržaŭ Jeŭrasajuza ŭ tym, što Białhrad ŭ poŭnaj miery supracoŭničaje ź Mižnarodnym trybunałam pa byłoj Juhasłavii. Na praktycy heta aznačaje, što ES patrabuje ad Sierbii znajści i vydać u Haahu byłych kamandziraŭ baśnijskich sierbaŭ Ratka Mładziča i Horana Chadžyča, jakija abvinavačvajucca ŭ vajennych złačynstvach.
0
0
0
0
0
0