Niaklajeŭ paskardzicca na Łukašenku 2

Inicyjatyŭnaja hrupa Uładzimira Niaklajeva 25 kastryčnika źbirajecca padavać u CVK skarhu na dziejańni vybarčaha štabu Alaksandra Łukašenki.

Jak paviedamiła «NN» juryst inicyjatyŭnaj hrupy Niaklajeva, Raisa Michajłoŭskaja, štab kandydata maje dakumientalnyja dokazy parušeńniaŭ, dapuščanych inicyjatyŭnaj hrupaj kandydata Łukašenki padčas zboru podpisaŭ. «My majem akty parušeńnia vybarčaha zakanadaŭstva, dakumientalna paćvierdžanyja. Pa-pieršaje, heta aktyŭnaje vykarystańnie administracyjnaha resursu štabam Łukašenki, pa-druhoje — praviadzieńnie pikietaŭ u nieadpaviednych miescach. My majem fota i videaśviedčańni hetaha. U pryvatnaści, zafiksavany fakt zboru podpisaŭ za Łukašenku na čyhunačnym vakzale Minska, a heta zabaroniena. Pa-treciaje, my płanujem ukazać na aktyŭny udzieł u pikietach pa zboru podpisaŭ za Łukašenku asobaŭ, jakija nie źjaŭlalisia siabrami inicyjatyŭnaj hrupy Łukašenki, heta taksama hrubaje parušeńnie».

Spadarynia Michajłoŭskaja taksama zaznačyła, što štab Uładzimira Niaklajeva budzie nastojvać na razhladzie usich skarh u samim CVK, a nie kamisijami nižejšaha uzroŭniu. «My ličym, što mienavita Centralnaja kamisija pavinna razhledzieć fakty parušeńnia vybarčaha zakanadaŭstva, dapuščanyja inicyjatyŭnaj hrupaj Łukašenki», — paviedamiła Raisa Michajłoŭskaja.

Skarhu na dziejańni štaba Łukašenki padpiša asabista Niaklajeŭ. Padavać jaje płanujecca 25 kastryčnika kala 16-aj hadziny. Kandydat taksama raźličvaje atrymać ad CVK zaprašeńnie na razhlad jaho skarhi na admysłovaj kamisii.

Nahadajem, što raniej CVK užo razhladaŭ skarhu na dziejańni inicyjatyŭnaj hrupy Uładzimira Niaklajeva. Vynikam razhladu było papiaredžańnie.

0

0

0

0

0

0

Aleś Pilecki

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH