U dakumientalnym filmie «Katyń. Praz 70 hadoŭ» aŭtary raskazvajuć ab biełaruskim śledzie ŭ trahiedyi.
U paŭhadzinnaj stužcy nie viadziecca padrabiaznaja havorka ab rasstrele polskich vajskoŭcaŭ. Akcent zrobleny na biełaruskim śledzie ŭ Katyni. Historyk Ihar Kuźniacoŭ śćviardžaje, što
tracina z rasstralanych polskich aficeraŭ źjaŭlałasia ŭradžencami Biełarusi (1126 z 4421).
Aŭtary filma pastavili pierad saboj i historykami šerah pytańniaŭ. Čamu siarod socień, spalenych fašystami viosak, dla ŭźviadzieńnia miemaryjała ŭłady vybrali viosku z padobnaju nazvaju — Chatyń? Čamu navat ciapier dakumienty pra katynskuju trahiedyju dy inšyja złačynstvy dziaržavy, jakoj užo nie isnuje, zastajucca pad hryfam «sakretna»?
Chto zacikaŭleny ŭ maŭčańni?
U zdymkach udzielničali biełaruskija, polskija i rasiejskija historyki: Halina Andejenkava, Ihar Kuźniacoŭ, Alaksandr Hurjanaŭ, Alaksiej Pamiatnych, Kšyftaf Jasievič, Vojciech Materski.
Premjera na telekanale «Biełsat» 22 kastryčnika ŭ 21.40.