Tyja, chto całkam upeŭnienyja u vynikach biełaruskich prezidenckich vybaraŭ, usio jašče nie mohuć zarabić na dakładnaści svaich prahnozaŭ.
Bukmiekierskija kantory ŭsio jašče nie stvaryli nivodnaj linii, datyčnaj vynikaŭ nacyjanalnaha hałasavańnia.Čakać hetaha ad biełaruskich kantor było b naiŭnym, choć zakanadaŭstva i nie zabaraniaje im prymać staŭki.
Niama reakcyi na biełaruskija vybary i ŭ śviecie. Naprykład, adna z najbujniejšych bukmiekierskich kantor u śviecie, anhlijskaja William Hill z usich palityčnych padziej abrała linii, datyčnyja vybaraŭ u Vielikabrytanii i ZŠA.
Favarytam u Amierycy źjaŭlajecca dziejsny prezident Barak Abama. Pastaviŭšy na jaho $100, možna atrymać $200 pry jahonaj pieramozie.
Vybary ŭ Vielikabrytanii praduhledžvajuć bolšuju raznastajnaść stavak, siarod ich takija jak uhadvańnie novaha lidaru kansiervataraŭ ci meru Łondana.
Rasijskija sajty, u svaju čarhu, prymajuć prahnozy nakont pryznačeńnia novaha mera Maskvy. Siarod kandydataŭ Siarhiej Sabianin, Siarhiej Šajhu i navat Valancina Maćvijenka.
Razam z tym varta pryznać, što
biełarusy nie curajucca palityčnych prahnozaŭ.Staŭki na vyniki apošnich prezidenckich vybaraŭ va Ukrainie karystalisia papularnaściu i ŭ našaj krainie. Pamiž Julijaj Cimašenkaj i Viktaram Janukovičam biełarusy stavili na pieramohu pieršaj, jakaja, nahadajem, atrymała parazu.