Dva studenty Karłava ŭniversytetu ŭ Čechii stvaryli kartu biełaruskich miaścin Prahi. Karta «Biełaruskaja Praha» była vydadzienaja pry finansavaj padtrymcy pasolstva Biełarusi.
Dzie ŭ Prazie staić pomnik Francišku Skarynu? Dzie pakłanicca mahiłam prezydentaŭ BNR? Dzie znachodzicca pasolstva Biełarusi? Raniej biełarusaŭ da hetych metaŭ niaredka viali błytanyja ściežki i doŭhija rospyty. Ciapier dobrym daradcam budzie karta, jakuju sumiesna stvaryli dva biełaruskija studenty Karłava ŭniversytetu — Pavieł Kotaŭ, budučy historyk, i Źmicier Kožuch, jaki vučycca na kartohrafa.
Mapa ŭ hetyja vychodnyja była prezentavanaja ŭ adnoj z praskich kaviarniaŭ. Vyjšła jana nakładam 1110 ekzemplaraŭ.
Aŭtary padajuć 22 biełaruskija adrasy — z karotkaj histaryčnaj infarmacyjaj, fota i pryviazkaj da transpartnaj schiemy Prahi.
Šerah adrasoŭ źviazanyja z histaryčnymi padziejami, što abjadnoŭvali biełarusaŭ i čechaŭ jašče z časoŭ VKŁ. Šmat adrasoŭ dadajuć praskim vulicam persanalny źmiest: karta padkaža, dzie znajści damy, u jakich žyli Łarysa Hienijuš, Michaś
Karta vyjšła pry finansavaj padtrymcy pasolstva Biełarusi ŭ Čechii i raspaŭsiudžvajecca biaspłatna. Hrupa, jakaja zhurtavałasia vakoł inicyjataraŭ vydańnia, taksama vyrašyła prapanoŭvać ziemlakam ekskursii pa biełaruskich miaścinach Prahi. Źviazacca sa znaŭcami biełaruskaj Prahi možna praz