Niekalki hrup hramadzian Hruzii, jakija sprabavali parušyć biełaruska-litoŭskuju miažu, zatrymali za minułyja piać dzion lidskija pamiežniki.
Jak paviedamili ŭ pres-centry Dziaržaŭnaha pahraničnaha kamiteta Biełarusi, pieršaja hrupa nielehałaŭ papałasia 13 kastryčnika ŭ nasielenym punkcie Raduń Voranaŭskaha rajona Hrodzienskaj vobłaści. Tady razam z parušalnikami miažy byli zatrymanyja i dva pravadniki ź liku miascovych žycharoŭ. Praz dva dni tut ža pasprabavali nielehalna pierajści miažu jašče dvoje hruzin — na hety raz samastojna.
Minułaj nočču abvinavačańnie ŭ zamachu na parušeńnie dziaržmiažy pamiežniki pradjavili jašče dvum kaŭkazcam. Na hety raz nielehalnyja mihranty pasprabavali farsiravać biełaruska-litoŭskuju miažu na ŭčastku pahraničnaha pasta «Kanvieliški». Pieraadoleć pieraškodu, što źjaviłasia na ich šlachu, u vyhladzie inžyniernych zaharodžaŭ jany vyrašyli z dapamohaj padkopu. Ubačyŭšy tryvožnuju hrupu, parušalniki, kinuŭšy asabistyja rečy, pasprabavali ŭciačy ŭ lesapałasu. Adnak nieŭzabavie byli zatrymanyja pry dapamozie kinołaha za 10 mietraŭ ad linii miažy.
Usie šaściora spašukalnikaŭ prystanišča ŭ Jeŭropie svajo dačynieńnie da zamachu na niezakonnaje pierasiačeńnie dziaržaŭnaj miažy admaŭlać nie stali. Im pahražaje hrašovy štraf u pamiery 20 bazavych vieličyń, departacyja na radzimu i zabarona ŭjazdžać u Biełaruś na praciahu troch hadoŭ. Ich saŭdzielniki paniasuć adkaznaść za arhanizacyi niezakonnaj mihracyi.
Viačasłaŭ Budkievič, BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH