«Nieviadomyja kinuli dźvie butelki z zapalnaj sumieśsiu ŭ budynak KDB u Babrujsku. Nichto nie paciarpieŭ, zaviedzienaja kryminalnaja sprava za chulihanstva, viadziecca pošuk złamyśnikaŭ», — paviedamili ahienctvu «Interfaksu» va ŭpravie ŭnutranych spraŭ Babrujsku.
«Adpracoŭvajucca ŭsie versii. U tym liku i pra datyčnaść da hetaha złačynstva tych złamyśnikaŭ, jakija ŭ pry žniŭnia sioleta kinuli butelki z zapalnaj sumieśsiu na terytoryju ambasady Rasiei ŭ Miensku», — udakładnili surazmoŭcy Interfaksu.
Na sajcie belarus.indymedia.org pišacca,
što napad u Babrujsku adbyŭsia 16 kastryčnika, i adkaznaść za jaho biaruć na siabie aktyvisty anarchisckaha ruchu, tłumačačy heta, jak prajavu salidarnaści z aryštavanymi raniej paplečnikami.
30 žniŭnia nieviadomyja kinuli na terytoryju ambasady Rasiei ŭ Miensku butelku z zapalnaj sumieśsiu. U vyniku zhareła mašyna dyplamatyčnaha pradstaŭnictva. U internecie źjaviłasia paviedamleńnie, u jakim adkaznaść uziała na siabie raniej nieviadomaja anarchisckaja hrupoŭka «Siabry svabody». Paśla hetaha adbylisia šmatlikija zatrymańni padazravanych ŭ napadzie — najpierš aktyvistaŭ anarchisckaha ruchu.
6 vieraśnia nieviadomyja zakidali «kaktejlami Mołatava» turmu na vulicy Akreścina ŭ Miensku.
