Inicyjatyŭnaja hrupa kandydata ad BNF Ryhora Kastusiova zładziłamieha-pikiet na praśpiekcie Niezaležnaści ŭ Miensku.
Miensk, 15 kastryčnika.
Miensk, 15 kastryčnika.
Kandydat ad chryścijanskich demakrataŭ Vital Rymašeŭski daje intervju.
Miensk, 15 kastryčnika.
Miensk, 15 kastryčnika.
Moładź - z Kastusiovym.
Na ŭčastku ad pierasiačeńnia praśpiekta z vulicaj Kazłova da płoščy Pieramohi aktyvisty vystavili pikiety ŭ padtrymku svajho kandydata, a taksama vyviesili nacyjanalnyja ściahi. Ich naličvałasia bolš troch dziesiatkaŭ.
Da akcyi jaje arhanizatary zaprasili dałučycca ŭsich achvotnych, ale skarystałasia zaprašeńniem adno BCHD. Što praŭda, chryścijanskija demakraty vyviesili tuzin svaich partyjnych ściahoŭ.
«Ryhor Kastusioŭ zaprasiŭ nas paŭdzielničać u hetaj cudoŭnaj akcyi. My pahadzilisia, my šanujem našy nacyjanalnyja simvały», —zaznačyŭ sustaršynia BCHD i adnačasova patencyjny kandydat u prezidenty ad hetaj partyi Vital Rymašeŭski.
Sam Ryhor Kastusioŭ tak patłumačyŭ sens vyviešvańnia nacyjanalnych ściahoŭ na praśpiekcie: «Voś bačycie, jak pazityŭna ludzi ŭsprymajuć nas. Aŭtamabilisty nas vitajuć sihnałami. Heta cudoŭna. Samaje hałoŭnaje, što nam na ŭsio heta nie treba dazvołu. Naš pikiet pakazaŭ, što biełaruskija siły žyvyja, što BNF žyvy, što ściah žyvy, što ŭsie sapraŭdnyja biełaruskija siły — žyvyja».
Ryhor Kastusioŭ taksama adznačyŭ, što akcyja nie vydzialałasia, jak frontaŭskaja (ściahoŭ BNF nasamreč nie było).
«Dla nas hałoŭnaje pakazać, što hety ściah źjaŭlajecca nacyjanalnym simvałam», — paviedamiŭ spadar Kastusioŭ.Palityk paviedamiŭ, što jaho štab razhladaje mahčymaść praviadzieńnie inšych akcyj padobnaha kštałtu ŭ stalicy i rehijonach, adnak pakul nie viadoma, kali heta adbudziecca.
Ryhor Kastusioŭ atksama pakamientavaŭ skandalnaje intervju Alesia Michaleviča, u jakim toj zajaviŭ, što nie budzie asabista zajmacca pytańniami nacyjanalnaj simvoliki: «Dumaju, heta prosta niejkaja pamyłka. Praź niavopytnaść. Ja sam toj hutarki jašče nie čytaŭ, tolki čuŭ pra jaje. Ale ja pierakanany, što Aleś Michalevič chutka daść tłumačeńni taho, što nasamreč mieŭ na ŭvazie».
Akcyja «Praśpiekt nacyjanalnaha ściahu» nasamreč vyklikała vialikuju cikavaść minakoŭ i aŭtamabilistaŭ. Pikietoŭščykaŭ pastajanna vitali z prajazdžajučych aŭtamabilaŭ hudkami. Prysutničali i pradstaŭniki pravaachoŭnych orhanaŭ (u formie i biez), adnak u padziei jany nie ŭmiešvalisia. Pieršapačatkova
Pad bieł-čyrvona-biełymi ściahami źbirajuć podpisy dva kandydaty: Ryhor Kastusioŭ i Vital Rymašeŭski.
