Były kamandzir bryhady specnazu Uładzimier Baradač, paprasiŭ palityčnaha prytułku ŭ Niamieččynie.
Uładzimier Baradač: «Heta nie samameta — uziać i ŭratavać svaju škuru. Meta — heta znajści sposaby, efektyŭnyja, narmalnyja, dobryja, sajuźnikaŭ, paplečnikaŭ i zakončyć hetuju spravu».
Radyjo Svaboda: Jakaja sytuacyja z vašaj prośbaj palityčnaha prytułku?
Baradač: «Pracedura davoli składanaja. Idzie pravierka dakumentaŭ pa ŭsich linijach dy strukturach. Jak praviła, heta doŭžycca na praciahu 3 miesiacaŭ. Ale tut sytuacyja takaja, što ty zaŭsiody možaš zrabić stop, prypynić hetuju spravu — u vypadku źmianieńnia sytuacyi — i jechać dadomu».
***
«Siabry mnie paviedamili, što maja kvatera była ŭskrytaja, i ŭ joj pakinutyja rečy, najaŭnaść jakich źjaviłasia b padstavaj dla majho kryminalnaha pieraśledu i asudžeńnia.
Uvieś čas, što ja znachodziŭsia ŭ Eŭropie, ja razvažaŭ, ci treba mnie viartacca dadomu. Bo ŭ ciapierašnich umovach pakidać svaich suajčyńnikaŭ — heta jak biehčy z pola boju», — zajaviŭ Baradač u interviju DW.
«Ja aktyŭna pracavaŭ u Hramadzkaj kamisii, jakaja zajmałasia raśśledavańniem akaličnaściaŭ źniknieńnia
«Ja razmaŭlaŭ na hetuju temu (źniknieńnia Zacharanki) z adnym čałaviekam, jakoha ŭ hetym hodzie zabili. Pra heta nichto nia viedaje, jaho proźvišča nazvać pakul taksama nie mahu. Jon, jak my miarkujem, byŭ śviedkam apošnich chvilinaŭ Juryja Zacharanki», — raspaviadaje Baradač. «Pa našych dadzienych, Zacharanka padvierhnuŭsia niejmaviernym, źnievažalnym dopytam, jakija doŭžylisia niekalki sutak. Paśla hetaha ŭ dačynieńni da jaho byli ŭžytyja psychatropnyja chimičnyja srodki. I ŭsio heta zdymałasia na videa dla spravazdačy. Ad Juryja Zacharanki damahalisia pryznańnia ŭ padrychtoŭcy antykanstytucyjnaha pieravarotu, chacieli, kab jon paviedamiŭ imiony kiraŭnictva i aktyvu Sajuzu aficeraŭ. U rešcie rešt, jaho abvinavacili ŭ padrychtoŭcy dziaržaŭnaha pieravarotu i rasstralali».
Baradač paabiacaŭ źmiaścić na
***
Były kamandzir5-j asobnaj bryhady specnazu pałkoŭnik Uładzimier Baradač nabyŭ šyrokuju viadomaść u siaredzinie90-ch , staŭšy adnym ź inicyjataraŭ stvareńnia Sajuzu biełaruskich aficeraŭ.
Paśla zvalnieńnia ŭ zapas u 1993 hodzie jon aktyŭna supracoŭničaŭ z apazycyjnymi deputatami Viarchoŭnaha savietu
Sioleta ŭ sakaviku ŭ Baradača, jaki jechaŭ u Berlin da siabroŭ za pakupkaj patrymanaj inšamarki, u Bieraści, na vyjeździe ź Biełarusi byli kanfiskavanyja 7 320 eŭra. Paźniej Maskoŭski rajonny sud Bieraścia pryznaŭ Uładzimiera Baradača vinavatym u «sprobie niezakonnaha pieramiaščeńnia valuty praź miažu» i pakinuŭ hetyja hrošy ŭ dachod dziaržavy. Baradač napisaŭ zajavu ŭ Hieneralnuju prakuraturu pra sprobu supracoŭnikaŭ mytni vymahčy ŭ jaho chabar.
