Najbližejšaj nočču — doždž z mokrym śnieham

Pavodle prahnozaŭ Respublikanskaha hidramieteacentra, u najbližejšyja sutki, 15 kastryčnika, u Biełarusi čakajecca vobłačnaje z prajaśnieńniami nadvorje.

Nočču na bolšaj častcy, dniom u asobnych rajonach apadki (doždž, mokry śnieh).

Viecier zachodni 5–10 m/s, pa paŭnočnym uschodzie paryvy da 15–20 m/s. Tempieratura pavietra nočču minus 1 — plus 5°S, dniom plus 4–10°S.

U Minsku 15 kastryčnika vobłačna z prajaśnieńniami. Nočču časam apadki (doždž, mokry śnieh), dniom mahčymy nievialikija apadki, u asnoŭnym doždž. Viecier zachodni 5–10 m/s, paryvy da 14 m/s. Tempieratura pavietra nočču 0 — plus 2°S, dniom plus 5–7°S.

U nastupnyja dvoje sutak, 16–17 kastryčnika, pa respublicy čakajecca vobłačnaje z prajaśnieńniami nadvorje. 16 kastryčnika nočču pieravažna biez apadkaŭ, dniom u paŭdniova-zachodnich rajonach karotkačasovyja daždžy. Nočču i ranicaj miescami tuman. Viecier paŭdniovy, paŭdniova-ŭschodni 3–8 m/s.

Tempieratura pavietra nočču 0 — minus 6°S, pa paŭdniovym zachadzie da plus 2°S; dniom plus 3–10°S.

17 kastryčnika pieravažna ŭ paŭdniovych rajonach karotkačasovyja apadki, u asnoŭnym doždž. Nočču i ranicaj tuman, słaby hałalod. Viecier paŭdniova-ŭschodni, uschodni 3–8 m/s. Tempieratura pavietra nočču 0 — minus 6°S, pa poŭdni plus 1–4°S; dniom plus 3–10°S.

U Minsku 16 kastryčnika vobłačna z prajaśnieńniami, bieź istotnych apadkaŭ. Viecier paŭdniovy, paŭdniova-ŭschodni 3–8 m/s. Tempieratura pavietra nočču minus 1–3°S, dniom plus 5–7°S.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH