«Madernizacyja ekanomiki, navat kali hetaha tezisu niama, — heta, pa sutnaści, ahulny pryjarytet dla ŭsich ekanomik, što ŭvachodziać u Sadružnaść», — zajaviŭ prezident Rasii Dźmitryj Miadźviedzieŭ 14 kastryčnika ŭ Maskvie na adkryćci V Forumu tvorčaj i navukovaj intelihiencyi dziaržaŭ — udzielnic SND.
«Usie my zacikaŭlenyja ŭ tym, kab našy krainy byli sučasnymi, — adznačyŭ Miadźviedzieŭ. — U nas byŭ davoli doŭhi składany pieryjad, kali kožnaja dziaržava Sadružnaści vybudoŭvała svaju dziaržaŭnaść, adnaŭlała svaju ekanomiku. Napeŭna, my i ciapier nie ŭsio zrabili, što chacieli b. Usie dziaržavy, jakija ŭvachodziać u Sadružnaść, — heta ekanomiki, što raźvivajucca, niezaležna ad ich maštabaŭ. I dla taho kab nam vyjści z hetaj situacyi, my pavinny pierarabić našy ekanomiki».
«Kali ŭ minułym dziesiacihodździ my zajmalisia tym, što stvarali asnovy rynačnaj ekanomiki, to ŭ hetym dziesiacihodździ vidavočna, što nieabchodna stvarać novuju ekanomiku, dyviersifikavać i mianiać jaje strukturu. Heta my dakładna razumiejem na prykładzie Rasijskaj Fiederacyi», — zajaviŭ Miadźviedzieŭ.
Pavodle jaho słoŭ, treba šukać novyja masty, kab «złučyć znoŭ našy haspadarki, adnavić vytvorčyja łancužki ŭ tych vypadkach, dzie jany byli razarvanyja, i znachodzić novyja kirunki supracoŭnictva, tamu što na savieckim bahažy niemahčyma isnavać uvieś čas».
«Nielha ŭvieś čas havaryć pra toje, što ŭ nas byli takija i takija suviazi, a ciapier jany źnikli, heta kiepska, ich treba adnavić. Hetaha mała.
Vidavočna, što my pavinny stvarać novyja vytvorčyja ekanamičnyja struktury, novyja sumiesnyja prajekty, i hetyja prajekty, kaniešnie, hruntujucca na sučasnych technałohijach», — zajaviŭ rasijski kiraŭnik.
Jon vykazaŭ nadzieju na toje, što vyniki hetych madernizacyjnych prajektaŭ stanuć «našaj sumiesnaj pieravahaj».
«Chto hetym pavinien zajmacca? Kaniešnie, moładź, pry tym što ŭ nas jość ahulnaja historyja i jość naładžanyja kantakty pamiž našymi dziaržavami, uradami, navukovymi kołami, hramadskimi strukturami. Ale
Prezident adznačyŭ, što ŭ miežach forumu adbyłasia prezientacyja Sietkavaha adkrytaha ŭniviersiteta SND, jaki pačaŭ ažyćciaŭlać mahistarskija prahramy dla 16 VNU z vaśmi krain (ad Biełarusi 12 udzielnikaŭ).
Miadźviedzieŭ taksama padkreśliŭ: «Va ŭsich nas jość śvietłyja hałovy, ale jość prablemy z vykarystańniem i kamiercyjalizacyjaj navukovych dasiahnieńniaŭ».
***
Na forum prybyła bolš za tysiaču čałaviek.
Tema sustrečy — «Inavacyjnaje i humanitarnaje partniorstva — asnova dynamičnaha raźvićcia krain SND». Jana vybrana zychodziačy z rašeńnia Savieta kiraŭnikoŭ dziaržaŭ SND abjaŭleńni 2010 hoda Hodam navuki i inavacyj.
Udzielniki forumu płanujuć abmierkavać pytańni raźvićcia prafiesijnych kantaktaŭ u śfierach adukacyi, navuki, kultury, masavych kamunikacyj, sportu, turyzmu. Asablivaja ŭvaha budzie nadadzieny sumiesnym prajektam u halinie navuki i inavacyj, prahramam i prajektam Hoda
U miežach forumu projdzie ŭznaharodžańnie łaŭreataŭ premii Savieta pa humanitarnym supracoŭnictvie i Miždziaržaŭnaha fondu humanitarnaha supracoŭnictva «Sadružnaść debiutaŭ», jakaja sioleta ŭručajecca maładym vučonym z krain SND (letaś jaje atrymali maładyja nastaŭniki, hodam raniej — litaratary).
Dla ŭdzielnikaŭ mierapryjemstva arhanizavanyja taksama vystavy inavacyjnych prajektaŭ moładzi krain SND.
