Pra heta paviedamiła napres-kanfierencyi 13 kastryčnika ŭ Minsku zahadčyca adździaleńnia płanavańnia siamji i dapamožnych repraduktyŭnych technałohij Respublikanskahanavukova-praktyčnaha centra «Maci i dzicia» Ała Kamluk.
Pavodle jaje słoŭ, joj viadoma ab 11 prahramach surahatnaha maciarynstva. Čatyry ź ich abmiarkoŭvalisia ŭ RNPC «Maci i dzicia», ale tolki adna zaviaršyłasia ciažarnaściu. «Da surahatnaj maci i jaje stanu zdaroŭja vystaŭlajucca vielmi žorstkija patrabavańni», — adznačyła śpiecyjalist.
Nahadajem, siamja, jakaja vyrašyła źviarnucca da surahatnaha maciarynstva, samastojna šukaje žančynu, kab taja vynasiła dzicia. Ź joj nataryjalna składajecca dahavor, paśla čaho ažyćciaŭlajucca nieabchodnyja miedycynskija pracedury. Zhodna z zakanadaŭstvam, surahatnaja maci nie maje prava pakinuć u siabie narodžanaje dzicia.
Kamluk adznačyła, što centr «Maci i dzicia» dasiahnuŭ dobrych vynikaŭ u prymianieńni mietadu ekstrakarparalnaha apładnieńnia (EKA). Z 2007 hoda ŭ centry vykanana pryblizna tysiača takich pracedur, i ŭ 38,5% vypadkaŭ vynikam źjaŭlajecca ciažarnaść — heta vysoki pakazčyk.
Mietad EKA budzie raźvivacca i ŭ dalejšym, zaŭvažyła śpiecyjalist. Pavodle jaje słoŭ,
16–18% siamiejnych par u krainie (kožnaja šostaja para) nie mohuć abzavieścisia dziciem bieź miedycynskaj dapamohi.
