Nastupnyja prezidenckija vybary mohuć adbycca raniej za termin, prapisany ŭ Kanstytucyi. Takoje mierkavańnie vykazaŭ u intervju žurnalistam 13 kastryčnika ŭ Breście lidar ruchu «Za Svabodu» Alaksandr Milinkievič.
«Ja rychtujusia da nastupnych vybaraŭ prezidenta i vielmi vieru, što jany projduć praz hod ci dva», — zajaviŭ palityk.
Jon bačyć ciapier dva varyjanty raźvićcia padziej dla dziejnaj ułady«Pieršy — jak Alaksandr Matrosaŭ zmahacca z Rasijaj, adnosiny ź jakoj horš niama kudy. U hetaj baraćbie ŭłada prosta ekanamična padzie i pavinna budzie syści. I voś užo pryčyna dla daterminovych vybaraŭ, — skazaŭ Milinkievič. —
Jość i inšy varyjant va ŭłady. Pačynać demakratyzacyju, kab dapamoh Zachad. Ja nie baču šansaŭ, kab dyktatura ŭtrymałasia.
I kali Łukašenka sychodzić, novyja vybary nie buduć takimi, jakija my majem ciapier».
Adkazvajučy na pytańnie pra adzinaha kandydata na ciapierašnich vybarach prezidenta,
Milinkievič adznačyŭ, što «mała vieryć u źjaŭleńnie adzinaha kandydata».
«Jość vielizarnaja prablema z abjadnańniem demakratyčnych sił. I heta adna z pryčyn, čamu ja nie ŭdzielničaju ŭ prezidenckaj kampanii ŭ jakaści kandydata», — zajaviŭ palityk.
Jon miarkuje, što
ŭłada nastrojena zarehistravać jak maha bolš demakratyčnych pretendentaŭ na pasadu prezidenta, kab pakazać «razroźnienaść apazicyi».
Svajoj hałoŭnaj zadačaj na ciapierašnich vybarach lidar ruchu «Za Svabodu» bačyć abjadnańnie nacyjanalnych demakratyčnych sił.
«Nie budzie abjadnańnia, prafukajem Biełaruś. Ale z dyktaturaj taksama treba zmahacca, nadakučyła ŭžo», — zajaviŭ palityk.
0
0
0
0
0
0
