Prezydent Venesueły Uha Čaves nakiravaŭsia ŭ vialikaje mižnarodnaje turne. Ciaham 10 dzion jon naviedaje Rasieju, Biełaruś, Ukrainu, Iran, Syryju i Partuhaliju. Napiaredadni ŭ interviju venesuelskim ŚMI jon zajaviŭ: nia vyklučana, što da hetych šaści krain mohuć być dałučanyja i inšyja.
Što da Biełarusi, jakuju jon naviedaŭ užo čatyry razy, to z hetaj krainaj, pavodle jahonych słoŭ, jon źbirajecca zaklučyć «navukovyja, technalahičnyja dy ekanamičnyja pahadnieńni». Jon taksama pryvioŭ słovy svajho biełaruskaha siabra Łukašenki adnosna taho, što jaho kraina «vyratavała Biełaruś ad ekanamičnaha kryzisu, kali Rasieja spyniła naftavyja subsydyi Miensku».
Venesuelski lider taksama zajaviŭ, što žadaje Łukašenku pośpiechu na prezydenckich vybarach 19 śniežnia, i paabiacaŭ, što jahonaja kraina sioleta pačnie pradavać Biełarusi 80 tysiač barelaŭ nafty ŭ dzień.
U ramkach turne venesuelski kiraŭnik
U Maskvie Čaves planuje pravieści 14 i 15 kastryčnika. Daty prybyćcia ŭ inšyja krainy pakul nie nazyvajucca.