Kitajskija inviestary pabudujuć u Minsku hatelny kompleks «Piekin», rajony Čajna-taŭn i Ržaviec 1

paviedamiŭ na pres-kanfierencyi 13 kastryčnika načalnik upraŭleńnia inviestycyj kamiteta ekanomiki Minharvykankama Mikałaj Achromienka.

Damoŭlenaść ab budaŭnictvie hatelnaha kompleksa «Piekin» dasiahnuta padčas niadaŭniaha vizitu Alaksandra Łukašenki ŭ KNR. Inviestycyjny dahavor u Kitai padpisany staršynioj Minharvykankama Mikałajem Ładućkam. Kompleks «Piekin» płanujecca pabudavać u rajonie vulicy Čyrvonaarmiejskaja na bierazie raki Śvisłač. Inviestycyi składuć nie mienš za 200 młn dołaraŭ. Hatel płanujecca zdać da 2014 hoda, kali ŭ Minsku adbudziecca čempijanat śvietu pa chakiei.

Aprača taho, padčas vizitu delehacyi Charbina ŭ Minsk byŭ padpisany miemarandum ab namiery pa budaŭnictvie kvartała Čajna-taŭn. Minharvykankam prapanoŭvaje pabudavać jaho ŭ rajonie vulicy Majakoŭskaha ŭzdoŭž Śvisłačy. Mikałaj Achromienka nie nazvaŭ mahčymy abjom inviestycyj, bo «kitajcy jašče nie dali zhodu na hety ŭčastak i pieramovy praciahvajucca». Praduhledžvajecca, što ŭ kvartale buduć abjekty handlu, hramadskaha charčavańnia, zabaŭ i apartamienty.

Z pryciahnieńniem kitajskich inviestaraŭ u Minsku budzie pabudavany žyły kvartał u rajonie Ržaviec, paviedamiŭ Achromienka. Jon taksama nie nazvaŭ abjom inviestycyj pa hetym prajekcie, bo inviestycyjny dahavor jašče nie padpisany.

Achramienka paviedamiŭ, što kitajskija kredyty buduć pryciahvacca dla stvareńnia šerahu inšych važnych dla horada abjektaŭ. Siarod ich — transpartnaja raźviazka na pierasiačeńni praśpiekta Dziaržynskaha i vulicy Alibiehava z abjomam finansavańnia 55,2 młn dołaraŭ, zavod industryjalnaha domabudavańnia (141 młn), intelektualnaja transpartnaja sistema (120 młn).

0

0

0

0

0

0

Maryna Nosava, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH