Minkult pačynaje konkurs na stvareńnie eskiznaha prajekta pomnika Janku Kupału i Jakubu Kołasu ŭ Varšavie. Arhanizatarami konkursu źjaŭlajucca Akademija mastactvaŭ, Biełaruski sajuz mastakoŭ. Meta konkursu — pošuk najlepšaha varyjantu prajekta pomnika, jaki płanujecca ŭstalavać u parku «Marskoje voka» ŭ Varšavie.
Pavodle patrabavańniaŭ arhanizataraŭ eskizny prajekt pavinien najbolš vyrazna i dakładna pieradavać vobrazy Janki Kupały i Jakuba Kołasa na asnovie histaryčnych źviestak pra žyćcio i tvorčaść piśmieńnikaŭ. Udzieł u konkursie mohuć uziać skulptary, jakija majuć adpaviednuju prafiesijnuju adukacyju.
Akramia hetaha, budučy pomnik abaviazkova pavinien adpaviadać nastupnym patrabavańniam: kampazicyjnaje i płastyčnaje vykanańnie pomnika pavinna być vykanana ŭ najlepšych tradycyjach kłasičnaha i nacyjanalnaha manumientalnaha mastactva, a sam jon pavinien być z bronzy, albo hranitu.
Materyjały pavinny być pradstaŭleny na razhlad u Ministerstva kultury da 29 kastryčnika. Bolš padrabiaznuju infarmacyju možna daviedacca na sajcie ustanovy — kultura.by.
