Łukašenka sustreŭsia z Chu Czińtaa 5

Alaksandr i Mikałaj Łukašenki adkryvajuć technapark u Čančuni, belta.by

Alaksandr Łukašenka i staršynia KNR Chu Czińtaa 11 kastryčnika abmierkavali ŭ Piekinie najaŭny stan i pierśpiektyvy raźvićcia supracoŭnictva pamiž dźviuma krainami, a taksama abmianialisia dumkami pa aktualnych pytańniach suśvietnaha paradku dnia.

Jak paviedamlaje pres-słužba, Łukašenka vykazaŭ udziačnaść Chu Czińtaa za dobry i ciopły pryjom, a taksama za «vialikuju dapamohu i padtrymku». Prezident Biełarusi padzialiŭsia svaimi ŭražańniami ad ciapierašniaha naviedvańnia Kitaja i Suśvietnaj vystavy «Ekspa-2010» u Šanchai. «My ŭ čarhovy raz uražany tymi maštabami, tymi ŭnikalnymi prajektami, jakija vy stvarajecie. Vy demanstrujecie ŭsiamu śvietu dynamizm», — skazaŭ Łukašenka.

Jon zaznačyŭ, što heta jaho šosty vizit u Kitaj. «Na maich vačach adbylisia asnoŭnyja padziei, jakija vyvieli vas u lidary suśvietnych dziaržaŭ. My stavimsia da našych pośpiechaŭ jak da svaich ułasnych», — padkreśliŭ Łukašenka.

U svaju čarhu Chu Czińtaa zaznačyŭ, što hatovy abmianiacca dumkami pa dalejšym raźvićci adnosinaŭ, a taksama pa inšych pytańniach, što ŭjaŭlajuć uzajemnuju cikavaść. Staršynia KNR taksama padkreśliŭ, što jamu vielmi pryjemna praz dva hady znoŭ sustrecca z prezidentam Biełarusi. Chu Czińtaa vykazaŭ udziačnaść biełaruskamu kalehu i ŭsiamu biełaruskamu narodu ad imia ŭrada i kitajskaha naroda za dapamohu ŭ pieraadoleńni nastupstvaŭ stychijnych biedstvaŭ.

Viečaram byŭ dadzieny abied u honar prezidenta Biełarusi ad imia Chu Czińtaa.

Aprača taho, 11 kastryčnika Łukašenka ŭziaŭ udzieł u cyrymonii adkryćcia zboračnaj vytvorčaści i servisnaha centra sumiesnaha pradpryjemstva TAA «AVIK-BiełAZ Karjernyja mašyny». Zasnavalnikami SP vystupili AAT «BiełAZ» i kitajskaja karparacyja «KATIK Sepłaj».

Łukašenka taksama pravioŭ sustreču z hienieralnym dyrektaram Kitajskaj karparacyi avijacyjnaj pramysłovaści Liń Czaminam. Jon prapanavaŭ karparacyi realizacyju prajektaŭ u Biełarusi. «Biełaruś i Kitaj — heta siońnia nadziejnyja i efiektyŭnyja partniory. 20 hadoŭ tamu my nie pamylilisia, vybraŭšy Kitaj hałoŭnym partnioram dla supracoŭnictva. Viadoma, takaja hihanckaja kraina z takoj hihanckaj ekanomikaj nie moža nie być zacikaŭlena ŭ prasoŭvańni svaich intaresaŭ u Jeŭropie. Kali vy idziacie ŭ Jeŭropu, to prychodźcie ŭ centr Jeŭropy. My budziem vam aktyŭna dapamahać i padtrymlivać u Biełarusi», — skazaŭ Łukašenka.

Pavodle infarmacyi pres-słužby, u Piekinie 11 kastryčnika adbyłosia padpisańnie šerahu dvuchbakovych dakumientaŭ z udziełam členaŭ aficyjnaj biełaruskaj delehacyi. Biełaruś i Kitaj padpisali pakiet dakumientaŭ pa realizacyi sumiesnych prajektaŭ na 3,5 młrd. dołaraŭ.

Jak nahadvaje pres-słužba, padčas vizitu biełaruskaha prezidenta ŭ Kitaj u 2005 hodzie krainy zajavili ab vychadzie na ŭzrovień stratehičnaha partniorstva, što było zamacavana ŭ sumiesnaj dekłaracyi. U žniŭni 2008 hoda Łukašenka, sustrakajučysia sa staršynioj KNR, zaklikaŭ Kitaj ažyćciavić «vialiki prychod u Biełaruś». U sakaviku 2010 hoda padčas vizitu ŭ Biełaruś namieśnika staršyni KNR Si Czińpina byli zaklučany šerah važnych pahadnieńniaŭ, jakija dazvolili pačać prapracoŭku bujnych prajektaŭ u kredytna-inviestycyjnaj śfiery. Ahulnaja suma kredytnaj linii, jakaja vydzialajecca Biełarusi, — 15 młrd. dołaraŭ (1 młrd. dołaraŭ — lhotny kredyt).

Tavaraabarot pamiž dźviuma krainami pa vynikach 2009 hoda skłaŭ bolš jak 1 młrd. 255 młn. dołaraŭ. Za siem miesiacaŭ 2010 hoda — amal 1 młrd. 68 młn. dołaraŭ, što składaje 160,1% da pakazčyka anałahičnaha letašniaha pieryjadu.

0

0

0

0

0

0

Taćciana Karaviankova, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH