Antona Žukava z Vaŭkavysku jašče ŭ vieraśni supracoŭniki milicyi schapili ŭ horadzie za raspaŭsiud maładafrontaŭskich nalepak «Horad Naš». Pratakołu, što praŭda, nie składali, ŭziali adno tłumačeńni.
Paźniej milicyjanty naviedvali aktyvista — pakazvali partrety ludziej dy pytalisia, ci viedaje chłopiec kaho ź ich.
7 kastryčnika, supracoŭniki MUS naviedalisia iznoŭ — na hety raz z admysłovaj pastanovaju za podpisam namieśnika načalnika RUUS, padpałkoŭnika V. Juškieviča i ŭ supravadžeńni supracoŭnikaŭ KDB. Pieratrus tłumačyli pošukam śladoŭ administratyŭnaha parušeńnia. U chłopca zabrali kamputar — jaho abiacali zavieźci ŭ Hrodna na ekśpiertyzu i ŭ paniadziełak viarnuć. Anton Žukaŭ ličyć, što pryčynaj kanfiskacyi kamputara byli jaho pakazańni paśla zatrymańnia za nalepki — chłopiec paviedamiŭ milicyjantam, što atrymaŭ nalepki paśla znajomstva z kaardynataram «Maładoha Frontu» ŭ internecie.
Junak płanuje padać skarhu na dziejańni milicyi.
