Nastupny supiernik barysaŭskaha BATE pa hrupavym turniry Lihi Jeŭropy FK «Šeryf» u prapuščanym matčy 9-ha tura čempijanatu Małdovy zhulaŭ 10 kastryčnika na vyjeździe ŭničyju z «Rapidam» z Hidzihiča — 1:1.
Ciraspalskaja kamanda, jakuju treniruje biełaruski śpiecyjalist Andrej Saśnicki, pieršaj adkryła lik (na 8-j chvilinie vyznačyŭsia Siarhiej Hieorhijeŭ), ale na 45-j chvilinie «Rapid» lik zraŭniaŭ (Stanisłaŭ Łuka).
Nahadajem, što ŭ 10-m tury 3 kastryčnika «Šeryf» zhulaŭ ničyju ŭ małdoŭskim kłasika ŭ Kišyniovie z «Zimbru» — 1:1.
Paśla 11 turaŭ «Šeryf» zajmaje 5-ty radok u turnirnaj tablicy čempijanatu Małdovy. U kłuba 20 bałaŭ (5 pieramoh, 5 ničyich, 1 paraza, roźnica miačoŭ: 16–4). Na pieršym miescy idzie «Iskra-Stal» z Rybnicy z 25 bałami.
U 12-m tury, što projdzie 16 kastryčnika, «Šeryf» zhulaje ŭ Ciraspali z kłubam «Miłsami» z Arhiejeva — kamandaj, što zaraz zajmaje 4-je miesca.
***
Matč «Šeryf» — BATE projdzie 21 kastryčnika ŭ Ciraspali. U Minsku kamandy sustrenucca 4 listapada.
U našaj hrupie BATE paśla 2-ch turaŭ lidziruje z 4 bałami, u «Šeryfa» i AZ — pa 3 bały, u kijeŭskaha «Dynama» — 1 bał.
Aleh Hardzijenka
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
