Amierykanski hurt tradycyjna vyviešvaje na scenie ściah krainy, u jakoj ładzić kancert.
Fota Juryja Siduna, Generation.by
5 kastryčnika ŭ staličnym Pałacy sportu hurt Limp Bizkit u ramkach suśvietnaha turne prezientavaŭ albom novy «Gold Cobra». Pierad tym, jak zavitać u Minsk, amierykancy praśpiavali ŭ Sankt-Pieciarburhu i Maskvie, 7 kastryčnika hurt vystupić u Kijevie. Na kancert u biełaruskaj stalicy było pradadziena bolš za 3 tysiačy kvitkoŭ. Na scenie pobač z bubnačom Džonam Ota byŭ źmieščany dziaržaŭny ściah Biełarusi — amierykanski hurt tradycyjna vyviešvaje ŭ ściah krainy, u jakoj ładzić kancert. Darečy, aficyjnaja simvolika prysutničała i ŭ časie vystupu ŭ Minsku niamieckaha Rammstein 7 sakavika hetaha hoda. Tady ŭ kancy vystupleńnia ŭ zału tradycyjna zapuścili humovuju łodku z kłavišnikam hurtu. Prychilniki hurtu na rukach pranieśli łodku pa fan-zonie, u hety momant chtości z hledačoŭ pakłaŭ u jaje čyrvona-zialony ściah.
Čutki pra toje, što razam z Limp Bizkit vystupić homielski repier Siaroha, nie spraŭdzilisia. Pra heta havaryłasia adrazu, jak stała viadoma pra chutki pryjezd amierykancaŭ u Biełaruś. Siaroha letaś vystupaŭ z Limp Bizkit u Rasii.
Nahadajem, što pieršapačatkova hurt mieŭ vystupić na placoŭcy «Minsk-Areny». Adnak, z-za taho, što była pradadzienaja niedastatkovaja kolkaść kvitkoŭ, kancert Limp Bizkit byŭ pieraniesieny ŭ Pałac sportu. Adnoj z pryčynaŭ hetaha mahło stać supadzieńnie pa časie vystupaŭ inšych suśvietnych muzyčnych zorak. Tak, 1 kastryčnika ŭ Minsku vystupiŭ Džo Kokier, 16 kastryčnika ŭ «Minsk-Arenie» vystupić Chase Kareras, a 21 kastryčnika ŭ Pałacy sportu — Haru.
Limp Bizkit — Behind Blue Eyes (Live In Minsk 5 Oct. 2010)
