Turystyčny vaŭčar u Biełarusi adyšoŭ u minułaje

U Biełarusi 6 kastryčnika ŭstupiła ŭ siłu novaja redakcyja zakona «Ab turyźmie», jakoj admianiajecca turystyčny vaŭčar.

Na źmienu turystyčnamu vaŭčaru prychodzić typavy dahavor akazańnia pasłuh, ź jakim u vypadku nieabchodnaści možna budzie svabodna źviarnucca ŭ tavarystva pa abaronie pravoŭ spažyŭcoŭ. Pry hetym u prahramie turystyčnaha padarožža možna budzie prapisać turpasłuhi, jakija pradastaŭlajucca, maršrut, terminy i inš. U adroźnieńnie ad turystyčnaha vaŭčara, u typavy dahavor akazańnia pasłuh pa žadańniu turysta abo turfirmy možna budzie dabaŭlać ułasnyja punkty.

Taksama z 6 kastryčnika ŭ Biełarusi ŭvodziacca kvitancyi na ekskursijnyja pasłuhi. Jany buduć vydavacca ŭ tych vypadkach, kali turfirma arhanizuje adnadzionnuju ekskursiju. Praŭda, kali akramia ekskursijnych pasłuh, turfirma biare na siabie jašče i arhanizacyju charčavańnia, to tady treba budzie zaklučać dahavor akazańnia pasłuh. Uviadzieńnie kvitancyj na ekskursijnyja pasłuhi značna ablehčyć dakumientaabarot turfirm i sprościć adnosiny pamiž arhanizataram ekskursii i ekskursantam, ličać u Minsportu.

Novaja redakcyja zakona «Ab turyźmie» nadaje jurydyčny status turyscka-infarmacyjnym centram. Ich mohuć stvarać turystyčnyja arhanizacyi jak pryvatnaj, tak i dziaržaŭnaj formy ŭłasnaści. Dziakujučy novaŭviadzieńniu biełaruskija turyscka-infarmacyjnyja centry pavinny źjavicca ŭ kožnym rajonie krainy, a taksama ŭ mnohich zamiežnych krainach.

Taksama ŭ novaj redakcyi ŭdakładnieny mnohija paniaćci, jakija datyčacca śfiery turyzmu.

0

0

0

0

0

0

Andrej Asfura, BIEŁTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH