4 kastryčnika supracoŭnikami DAI ŭ pryharadzie Hrodna zatrymany matacyklist, jaki nie padparadkavaŭsia patrabavańniam ab spynieńni.
Narad asobnaha śpiecyjalnaha ŭzvoda «Delta» viartaŭsia sa źmieny, kali zaŭvažyŭ, što kiroŭca «Kavasaki» parušyŭ praviły prajezdu pierakryžavańnia. Ruchajučysia pa praśpiekcie Klackova, na pierasiačeńni z vulicaj Biełuša toj ździejśniŭ zabaronieny manieŭr: parušyŭ patrabavańnie darožnaha znaka «Napramki ruchu pa pałosach» i paviarnuŭ naleva, u bok vyjezdu z horada. Inśpiektary adrazu adreahavali na parušeńnie, a ŭ dalejšym vyjavili nastojlivaść i pryncypovaść. Raźviarnuŭšysia, jany pajechali za matacyklistam. Toj ihnaravaŭ uklučanyja na patrulnym aŭtamabili hukavuju sihnalizacyju i probliskavyja majački. Na aŭtadarozie Minsk — Hrodna łaviravaŭ siarod mašyn, nie dajučy siabie apiaredzić. Pieraškadžali heta zrabić i kiroŭcy spadarožnych aŭtamabilaŭ, jakija nie sastupali darohu milicejskamu «Opielu» z uklučanymi majačkami.
Imčaŭsia lichač vielmi chutka, razhaniajučysia da 250 kiłamietraŭ u hadzinu. Napeŭna, raźličvaŭ na mahutnaść matacykła. Adnak praź piać kiłamietraŭ jon vymušany byŭ spynicca. U chodzie razboru vyśvietliłasia, što paśviedčańnia na prava kiravańnia transpartnymi srodkami katehoryi «A»
