Narkakantrol unios 48 novych preparataŭ u śpis zabaronienych u Biełarusi 2

U Polščy ŭ špitali trapiła niekalki čałaviek, što atrucilisia lehalnym anałaham amfietaminu.

Zachvareli čaćviora 17-hadovych padletkaŭ, 12-hadovy chłopčyk, a taksama dziaŭčynka 8-mi hadoŭ, jakim u kramie pradali lehalny narkotyk. Pryčynaj stała rečyva pad nazvaj «Tajfun».

U noč ź piatnicy na subotu byŭ zarehistravany pieršy śmiartelny vypadak — 20-hadovy chłopiec. Paśla taho, jak chłopiec užyŭ narkotyk, jon paviedamiŭ, što adčuvaje słabaść i žar. Daktary nie zmahli jaho ŭratavać.

Polskija daktary padniali šum: hety lehalny preparat uździejničaje na arhanizm hetak sama, jak i «sapraŭdnyja» narkotyki, ale jaho pradavali absalutna lehalna.

Spatrebiłasia ŭmiašańnie prem'jer-ministra Donalda Tuska, jaki ŭ vielmi rezkaj formie vykazaŭsia nakont lehalnaści «Tajfuna» i inšych schodnych rečyvaŭ.

U vyniku za vychodnyja ŭ Polščy začyniena bolš za tysiaču (!) kramaŭ, što handlavali padobnymi preparatami.

Siarod asartymientu prysutničali «enierhietyčnyja», «ejfaryčnyja» i «psichadeličnyja» rečyvy, a taksama aksiesuary dla ich vykarystańnia.

U Biełarusi tak zvanyja «lehalnyja narkotyki» zabaraniajucca pa miery ich vyjaŭleńnia.

Niekalki razoŭ u hod vychodzić novy, dapoŭnieny śpis zabaronienaha.

Ale

chcivyja pradaŭcy ŭvieś čas znachodziać vyjście — stvarajuć novyja sumiesi, jakija nie ŭtrymlivajuć niejkaha zaznačanaha ŭ novym śpisie inhredyjentu, i praciahvajuć im handlavać. Jak čym? Jak «sumieśsiu dla paleńnia» ci jak «sollu dla vannaŭ».

Isnuje i šerah sajtaŭ, na jakich možna nabyć «sol», pryčym jaje kampanienty, nasamreč, buduć pakul što lehalnymi ŭ Respublicy Biełaruś. Nazva «soli dla vannaŭ» pryjšła da nas z Anhlii, dzie padobnyja paraški taksama majuć šyrokaje chadžeńnie.

Anatacyja da takoj «soli» paviedamlaje, što adnaho hramu chapaje na 7–8 čałaviek i što hetuju sol nielha ŭžyvać unutryvienna.

Na sajtach, darečy, źjaŭlajucca papiaredžańni, što ŭkazanyja rečyvy mohuć akazacca niebiaśpiečnymi. Situacyja taja samaja, što i ŭ Polščy: kali zabaranić adzin preparat, działki adrazu ž stvarajuć inšy z troški źmienienaj nazvaj.

Namieśnik načalnika Upraŭleńnia pa narkakantroli i procidziejańni handlu ludźmi MUS Vasil Łosič kaža:

«Nakont „sumiesiaŭ dla paleńnia“, „solaŭ dla vannaŭ“ i „padkormki raślinaŭ“ ja vam skažu tak: tolki za hety hod my ŭnieśli 48 preparataŭ u śpis zabaronienych na terytoryi Biełarusi. Adnak, kali my pieršy raz unosili papraŭki ŭ zakanadaŭstva, my dumali, što nazaŭždy raźvitajemsia z „lehalnymi preparatami“ — tady my naličyli 20 štuk. Ale ŭžo praz try miesiacy my daviedalisia, što źjavilisia novyja preparaty

. Paśla novaj zabarony, uźnikli novyja narkotyki. Nasamreč, va ŭsim śviecie niama mahčymaści razam zabaranić usio heta, ale my imkniomsia nie adstavać i adsočvać kožny novy preparat».

Juraś Uskoŭ, Naša Niva

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH