U Pružanskim rajonie ratavalniki dastali z kabiny pierakulenaha traktara dvuch čałaviek.
Jak paviedamiŭ pres-sakratar abłasnoha ŭpraŭleńnia MNS Siarhiej Mašnoŭ, 4 kastryčnika ŭ 22.52 u Pružanski RANS pastupiła paviedamleńnie ab DTZ na puciepravodzie praz čyhunačnyja puci pamiž vioskami Linava i Arančycy. Traktar «MTZ-1221», kiroŭca jakoha nie spraviŭsia z kiravańniem, upaŭ z mosta na čyhunačnyja puci i pierakuliŭsia.
Vyšynia padzieńnia prykładna šeść mietraŭ.
U kabinie traktara znachodzilisia ścisnutyja defarmavanymi kanstrukcyjami 58-hadovy miechanizatar i 46-hadovy pasažyr.
Supracoŭniki pažarnaj avaryjna-ratavalnaj čaści № 1 Pružan, jakija prybyli na miesca zdareńnia, z dapamohaj śpiecyjalnaha abstalavańnia dastali ich z kabiny.
Abodva špitalizavanyja ŭ Pružanskuju centralnuju rajonnuju balnicu.
U traktarysta zakrytaja čerapna-mazhavaja traŭma, strasieńnie hałaŭnoha mozhu, udary; u pasažyra čerapna-mazhavaja traŭma i ŭdary. Jany žychary vioski Kuplin, pracujuć u miascovym AAT «Linava». Traktar, što naležyć hetamu pradpryjemstvu, atrymaŭ miechaničnyja paškodžańni.
Pavodle słoŭ Mašnova, z-za DTZ na učastku čyhunki była zatrymka ruchu troch pasažyrskich ciahnikoŭ: № 196 Brest — Maskva (na 52 chviliny); № 10 Varšava — Maskva (na 1 hadzinu 18 chvilin); № 115 Minsk — Varšava (na 31 chvilinu).
«Sioleta padraździaleńni MNS Bresckaj vobłaści 176 razoŭ vyjazdžali na likvidacyju nastupstvaŭ DTZ. Z transpartnych srodkaŭ vyratavany 32 čałavieki, ź ich try čałavieki — u kastryčniku», — dapoŭniŭ Mašnoŭ.
Łarysa Šyhanava, BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
