Adpaviednyja papraŭki pryniaty ŭ Zakon ab rehistry nasielnictva 4 kastryčnika na plenarnym pasiadžeńni Pałaty pradstaŭnikoŭ.
Jak zaznačyŭ ministr unutranych spraŭ Anatol Kulašoŭ, rehistr nasielnictva ŭjaŭlaje saboj centralizavanuju bazu piersanalnych źviestak fizičnych asob i aŭtamatyzavanuju infarmacyjnuju sistemu pa jaje absłuhoŭvańni dla vykarystańnia infarmacyi, što ŭtrymlivajecca ŭ rehistry, dziaržorhanami, nataryusami i roznymi arhanizacyjami.
Unosić piersanalnyja źviestki fizičnych asob u rehistr upaŭnavažany šerah dziaržaŭnych orhanaŭ, miascovyja orhany ŭłady, ahulnyja sudy, orhany ZAHS i vajennyja kamisaryjaty.
Kulašoŭ paviedamiŭ, što Zakon ab rehistry nasielnictva ŭvojdzie ŭ siłu 5 žniŭnia 2011 hoda. Da hetaha terminu Saviet ministraŭ pavinien zabiaśpiečyć stvareńnie rehistra za košt srodkaŭ, što śpiecyjalna vydzialajucca ŭ respublikanskim biudžecie na hetyja mety.
«Adnak
Pavodle słoŭ ministra, ahulnaja patrebnaść u srodkach na pieršy etap stvareńnia rehistra nasielnictva ŭ cenach 2008 hoda składała 48,6 młrd. rubloŭ. Pieršy etap uklučaje raspracoŭku i ŭkaranieńnie prahramnaha zabieśpiačeńnia, nabyćcio techničnych srodkaŭ, budaŭnictva łakalnych vyličalnych sietak, pavieličeńnie prapusknoj zdolnaści kanałaŭ pieradačy źviestak, a taksama utrymańnie rehistrujučaj słužby.
Aprača taho, zaznačyŭ Kulašoŭ, bolš jak 15 młrd. rubloŭ spatrebicca na zakupku impartnaha abstalavańnia. Srodki dla realizacyi zakona płanujecca vydzielić z respublikanskaha biudžetu 2011–2012 hadoŭ.