Lehitymny ci nielehitymny? Mierkavańni ekśpiertaŭ dy analitykaŭ.
«Mnie b chaciełasia, kab mianie padtrymała dźvie traciny nasielnictva», — zajaviŭ Alaksandr Łukašenka 1 kastryčnika na sustrečy z rasijskimi žurnalistami. Niečakana mała dla jaho. U 2001 hodzie Lidzija Jarmošyna ahučvała ličbu 75, a ŭ
Na siońnia demakratyzacyi ŭ Biełarusi niama, adznačajuć mižnarodnyja ekśpierty. I — upieršyniu — infarmacyjnyja napady na biełaruskaha kiraŭnika z boku Rasii stvarajuć uražańnie, niby Rasijskaja Fiederacyja maje namier nie pryznavać Alaksandra Ryhoraviča ŭ jakaści prezidenta Biełarusi.
A voś Zachad robić roznyja kroki da pieramovaŭ z Łukašenkam i, nie vyklučana, pryznaje prezidenctva Alaksandra Łukašenki ŭ vyniku zachavańnia jahonaj ułady paśla vybaraŭ. Naprykład, vyznaje vybary častkova svabodnymi ŭ vypadku, kali ŭłady na praktycy dazvolać naziralnikam kantralavać padlik hałasoŭ.Našto? Kab zrabić biełaruskuju niezaležnaść bolš abaronienaj ad Rasii. Niekatoryja ličać, što pryznańnie Łukašenki i adkryćcio Jeŭropy dla jaho paspryjać suvierenizacyi.
Lehitymny ci nielehitymny Łukašenka bolš vyhadny Biełarusi? — zapytalisia my ŭ ekśpiertaŭ. (Apytańnie rabiłasia ŭ druhoj pałovie vieraśnia.)
«Što b tam ni było — niavyhadny sam Łukašenka pierš za ŭsio! Bo heta vorah Biełarusi i biełaruskaści!» — ličyć pieršy kiraŭnik niezaležnaj Biełarusi Stanisłaŭ Šuškievič.Na dumku Stanisłava Stanisłavaviča, pra niezaležnaść Biełarusi i pieramohu Łukašenki niemahčyma havaryć, bo ŭ Alaksandra Ryhoraviča adsutničaje razumieńnie niezaležnaści Biełarusi i kłapocicca jon tolki pra svaje intaresy, a Biełaruś dla jaho absalutna čužaja kraina.
«Dla Biełarusi vyhadna, kab jaje kiraŭnik byŭ lehitymna abranym, padzialaŭ demakratyčnyja kaštoŭnaści i ŭsialak spryjaŭ intehracyi našaj krainy ŭ jeŭrapiejskija i suśvietnyja intehracyjnyja pracesy, — upeŭnieny palitołah Aleś Łahviniec.— Alaksandr Łukašenka ad niekanstutytucyjnaha refierenduma 1995 (sic!) hoda nie maje demakratyčnaj cyvilizavanaj lehitymnaści." Na siońnia, zaznačaje Aleś Łahviniec, niezaležna ad faktu mižnarodnaha pryznańnia ci niepryznańnia, Łukašenka i jahonaja hrupoŭka škodnyja dla Biełarusi, viaduć jaje da krachu, pazbaŭlajučy cyvilizavanaj budučyni.
«Jeŭropa i raniej nie pryznavała lehitymnaści Łukašenki — i što, žyli», — iranizuje Siarhiej Musijenka,kiraŭnik Analityčnaha centra JesooM. Naturalna, dla luboj krainy vyhadny lehitymny prezident. Na dumku Siarhieja Musijenki, u vypadku niepryznańnia biełaruskich vybaraŭ tolki Rasijaj jana apyniecca ŭ idyjockim stanie, siadzie ŭ łužynu, u jakuju niejak sieła z hazam.
Siarhiej Musijenka źviartaje ŭvahu na važnaje nazirańnie — luby cisk na ŭładu, pavodle rasijskich palitołahaŭ, pryvodzić da padvyšeńnia rejtynhu ŭłady. Moža, tady infarmacyjnyja ataki Rasii ŭ bok biełaruskaha kiraŭnika nakiravanyja na pavieličeńnie jahonaha rejtynhu?
Kali na palityčnym poli źjaŭlajecca novy čałaviek i Rasija kaža, što heta jaje kandydat, palityk adrazu atrymlivaje čornuju mietku ŭ vačach narodu. «Nie vyklučana, što „Chrosnymi Baćkami“ Rasija prahramuje Łukašenku na vyjhryš. Tady niajasna, navošta heta rabić takim niepryhožym čynam», — reziumuje Siarhiej Musijenka.
«Alaksandr Łukašenka nie moža vyjhrać vybary biez falsifikacyj i siłavoha aśpiektu,« — zaznačaje staršynia AHP Anatol Labiedźka.Dla lehitymnaj pieramohi Łukašenka musić pryniać prapanovy apazicyi pa źmienie vybarčaha zakanadaŭstva. Tolki tady paŭstaje pytańnie lehitymnaści i źjaŭlajecca mahčymaść pierajści ad vybarčaj kampanii da samich vybaraŭ. U inšym vypadku pytańnie lehitymnaści zdymajecca aŭtamatyčna. «Na siońniašni momant u Biełarusi vybaraŭ niama. Dla krainy bolš vyhadna, kab adbylisia sapraŭdnyja lehitymnyja vybary. A pryznaje ich Zachad ci Uschod, — heta druhasna», — dadaje Anatol Labiedźka.
Na siońniašni momant u śviecie isnujuć dźvie sietki acenki elektaralnych padziejaŭ: mižnarodnaj arhanizacyi ABSIE i sietki nahladalnikaŭ ad SND, stvoranaj inicyjatyvaju Rasii. Dla Biełarusi važna, kab adna arhanizacyja vyznačała stupień lehitymnaści vybaraŭ, miarkuje Anatol Labiedźka. Najbolšuju vahu, na dumku palityka, maje abjadnanaja arhanizacyja ABSIE.
«Pytańnie nasamreč dosyć supiarečlivaje, — kaža Kamil Kłysinski, ekśpiert varšaŭskaha Centra ŭschodnich daśledavańniaŭ. — Dla Biełarusi budzie lepiej, kali znojdziecca palityčnaja siła, zdolnaja zdabyć pieramohu ŭ vybarach i pravieści hruntoŭnyja ekanamičnyja dy palityčnyja reformy».
Na dumku Kamila Kłysinskaha, takoj siły pakul niama, tamu varta pryniać biaśpiečniejšym dla Biełarusi jak suvierennaj dziaržavy dalejšaje kiraŭnictva Łukašenki,jaki viadzie dyjałoh ź Jeŭrasajuzam dy vyznačaje ŭmovy supracoŭnictva z Rasijaj i źjaŭlajecca pryznanym, prynamsi
