Hałoŭny trenier BATE Viktar Hančarenka, fota Ivana Uralskaha, goals.by
U matčy druhoha tura hrupavoha etapu Lihi Jeŭropy UEFA suprać hałandskaha AZ futbalisty BATE nastrojenyja tolki na pieramohu, zajaviŭ napadajučy barysaŭskaj kamandy Vital Radzivonaŭ naHulnia projdzie 30 vieraśnia na staličnym stadyjonie «Dynama» (pačatak u 22.05).pres-kanfierencyi ŭ Minsku 29 vieraśnia.
«Nastroj samy bajavy. Budziem vychodzić na matč tolki z adnoj dumkaj — pieramahčy. Inšaje i ŭjavić nie mahu, choć sapiernik surjozny», — skazaŭ futbalist.
Pavodle słoŭ hałoŭnaha treniera BATE Viktara Hančarenki, vielmi važna, što napiaredadni hetaj sustrečy kamanda pieramahła ŭ matčy nacyjanalnaha čempijanatu (2:1 suprać najbližejšaha praśledavaciela «Minska») i da pajadynku z AZ padychodzić z dobrym nastrojem. Hančarenka adznačyŭ, što fizična składana hulać pa ciapierašnim hrafiku (piaty matč za apošnija dva tydni), ale z hetym sutykalisia mnohija kamandy.
Pad pytańniem udzieł u matčy kapitana Dźmitryja Lichtaroviča i Alaksandra Paŭłava. Pra sapiernika, paviedamiŭ Hančarenka, sabrana šmat infarmacyi. U pryvatnaści, jaho pamočnik Vadzim Skrypčanka vyjazdžaŭ na apošni matč čempijanatu Hałandyi z udziełam AZ. Jak i ŭsie hałandskija kłuby, AZ lubić pahulać ź miačom i atakavać, adznačyŭ hałoŭny trenier BATE.
U adroźnieńnie ad startavaha matču suprać kijeŭskaha «Dynama», hulcykamand-sapiernic nie zajmajucca słaviesnaj pikiroŭkaj.
«Tady hulali dźvie kamandy z postsavieckaj prastory, i abodva baki chacieli dakazać, chto lepšy, chto horšy, a tut my prosta hulajem ź jeŭrapiejskaj kamandaj», — adznačyŭ Vital Radzivonaŭ. «I my, i Kijeŭ razmaŭlajem na ruskaj movie, i bieź pierakładčyka ŭsio zrazumieła, a tut ciažej», — dadaŭ Hančarenka.
U pieršym tury BATE zhulaŭ na vyjeździe ŭničyju 2:2 z kijeŭskim «Dynama», a AZ vyjhraŭ doma ŭ małdaŭskaha «Šeryfa» — 2:1.