Kompleks «Čajna-Taŭn» płanujuć pabudavać u centralnaj častcy Minska. Dla realizacyi prajekta prapanujecca ziamielny ŭčastak ŭ kvartale vulic Aranskaj-Majakoŭskaha-Dzianisaŭskaj-zavułakSierabranski-Industryjalnaja. Budaŭnictva moža pačacca ŭ 2011 hodzie.
Na sustrečy z aficyjnaj delehacyj horada Charbina, pryśviečanaj realizacyi prajekta pa budaŭnictvie kompleksu «Čajna-Taŭn», staršynia Minharvykankama Mikałaj Ładućka zajaviŭ, što kali siońnia budzie pryniata kankretnaje rašeńnie, to rabota pačniecca ŭ 2011 hodzie.
Pavodle jahonych słovaŭ, kompleks «Čajna-Taŭn» płanujecca pabudavać u centralnaj častcy horada. Apajasvać terytoryju budzie vodnaja roŭniadź, što pa suśvietnych mierkach ličycca prestyžnym. «Tamu hetuju terytoryju my padbirali śpiecyjalna dla vartaha prajekta», — zaŭvažyŭ Mikałaj Ładućka.
Mer vykazaŭ hatoŭnaść haradskich uładaŭ sadziejničać ažyćciaŭleńniu prajekta, u tym liku: rehistracyi adździaleńnia banka kampanii-zabudoŭščyka abo inviestycyjnaj kampanii, a taksama zabieśpiačeńni terytoryi «Čajna-Taŭn» inžyniernymi kamunikacyjami.
«Vynikam damoŭlenaściaŭ pavinien stać inviestycyjny dahavor pamiž Minskam i kampanijaj, jakaja budzie realizoŭvać prajekt», — skazaŭ Mikałaj Ładućka, udakładniŭšy, što ŭ inviestdahavory buduć ahavoranyja terminy prajektavańnia i pačatak budaŭnictva. Mer Mienska vykazaŭ zacikaŭlenaść padpisać dakumient u kastryčniku biahučaha hoda, paviedamlaje BIEŁTA.
Sa svajho boku Liń Da padkreśliŭ, što Narodny ŭrad Charbina nadaje vialikuju ŭvahu prajektu, i paabiacaŭ usialakuju padtrymku ŭ jahonaj realizacyi.
Uvasablać u žyćcio prajekt u biełaruskaj stalicy budzie kampanija Harbin Manhattan Multi-Line Group Co, Ltd, staršynia praŭleńnia jakoj — Czian Cinkie — prysutničaŭ na sustrečy ŭ Minharvykankamie. Pradstaŭlajučy hetuju kampaniju, staršynia Narodnaha ŭrada Charbina paviedamiŭ, što Harbin Manhattan — šmatprofilnaja kampanija, jakaja śpiecyjalizujecca na inviestycyjnaj dziejnaści, zajmajecca turyzmam, budaŭnictvam, a taksama bankaŭskimi apieracyjami. Maje dastatkovy vopyt pracy ŭ krainach SND.
«Čajna-Taŭn» — heta nie tolki budaŭničy i ekanamičny prajekt, a pierš za ŭsio kulturny. Upeŭnieny, źjaŭleńnie ŭ Minsku takoha kompleksu ŭzbahacić kulturnyja suviazi dźviuch krain», — skazaŭ Liń Do, dadaŭšy, što"Čajna-Taŭn «zmoža stać svojeasablivaj mini-vizitoŭkaj Minska.
Adznačym, što dla Liń Do, jaki niadaŭna pryznačany na pasadu staršyni Narodnaha ŭrada Charbina, naviedvańnie biełaruskaj stalicy źjaŭlajecca pieršym zamiežnym vizitam. Tamu kitajski hość nadaje jamu asablivuju ŭvahu. Liń Do taksama vykazaŭ na adras haradskich uładaŭ słovy zachapleńnia paradkam i čyścinioj minskich vulic. «Biezdakornaja čyścinia biełaruskaj stalicy ździviła ŭsich nas. Minsk — čysty, pryhožy i dahledžany horad», — dadaŭ Liń Do.
Pa dadzienych kamiteta architektury i horadabudaŭnictva Minharvykankama, dla realizacyi prajekta pa budaŭnictvie kompleksa «Čajna-Taŭn» prapanoŭvajecca ziamielny ŭčastak ŭ kvartale vulic Aranskaj-Majakoŭskaha-Dzianisaŭskaj-zavułakSierabranski-Industryjalnaja. Placoŭka ŭ 15–17 hiektaraŭ raźmiaščajecca ŭ centralnaj častcy Minska na levym bierazie raki Śvisłač u składzie ahulnaharadskoha parku.
Tut płanujecca pabudavać kompleks «Čajna-Taŭn» (8–9 hiektaraŭ) i tematyčny park (5–6 hiektaraŭ). Na hetaj terytoryi znachodziacca indyvidualnyja žyłyja damy, jakija padlahajuć znosu (41 dom). Ahulnaja płošča indyvidualnaj zabudovy — 3,5 tysiač kvadratnych mietraŭ. Pavodle acenak, vydatki na znos pryvatnaj zabudovy mohuć skłaści kala $ 10 młn.
U adpaviednaści z hienieralnym płanam Minska na hetaj terytoryi mahčyma raźmiaščeńnie kompleksu ŭ składzie: biźnies-centr, kitajska-biełaruski vystavačny centr, handlovy biźnies-centr, centr adpačynku, handlovaja vulica, centr tradycyjnaj kitajskaj miedycyny, dziciačy zabaŭlalny centr, hatel. Ahulnaja płošča abjektaŭ moža skłaści 55–60 tysiač kvadratnych mietraŭ.
***
Čajna-Taŭn — kitajski kvartał, nasielenyja kitajcami kvartały ŭ niekitajskich haradach. Centry kamiercyi, turyzmu i kitajskaj kultury. Najstarejšym čajna-taŭnam za miežami Azii źjaŭlajecca kitajski kvartał u San-Francyska, jon byŭ zasnavany ŭ 1850 hodzie. Bolš novyja kitajskija kvartały raźmieščany ŭ Mielburnie, Łas-Viehasie, Łondanie, Paryžy i Sieule.
ekonomika.by, pavodle BIEŁTA
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
