«Pakul nie padpisany kantrakt, u nas zaŭsiody jość manieŭr u vybary taho, chto budzie budavać biełaruskuju AES» — takoje mierkavańnie ŭ hutarcy z žurnalistami 21 vieraśnia ŭ Minsku vykazaŭ pieršy namieśnik staršyni Nacyjanalnaj akademii navuk Piotr Viciaź.
«Z kim budziem budavać, ciapier vyrašajecca. Jość prapanovy karejcaŭ, kitajcaŭ, francuzaŭ, mohuć udzielničać amierykancy, — adznačyŭ Viciaź. — My vyvučajem, kab było bolš tanna, jakasna i biaśpiečna».
Pry hetym jon ličyć, što srodki, zatračanyja na navukovaje supravadžeńnie budaŭnictva atamnaj stancyi, stvareńnie infrastruktury, padrychtoŭku kadraŭ, apraŭdajuć siabie. «Usio roŭna stancyja budzie 100%, biez atamnaj enierhietyki my nie bačym siońnia biaśpieki enierhasistemy», — padkreśliŭ vučony.
Jon taksama padtrymlivaje prapanovu stvaryć sumiesnaje z Rasijaj pradpryjemstva pa zbycie elektraenierhii, jakaja budzie vypracoŭvacca na AES i ŭ cełym usioj enierhietyčnaj sistemaj. «Hetaje pytańnie treba vyvučać z ekanamičnaha punktu hledžańnia», — adznačyŭ Viciaź. Vučony ličyć, što dla stvareńnia SP nieabchodna pierš za ŭsio stvaryć adzinuju enierhietyčnuju sistemu. «A heta ŭžo pytańnie palityčnaje, a nie ekanamičnaje. Kali kiraŭniki damoviacca, tady možna budzie paličyć i ekanomiku, — skazaŭ jon. — Čym šyrej sistema, tym jana bolš biaśpiečnaja».
U Biełarusi płanujecca pabudavać AES mahutnaściu kala 2,4 tys. MVt. Uvod pieršaha enierhabłoka čakajecca ŭ 2016 hodzie, druhoha — u 2018 hodzie. Miarkujecca, što stancyja budzie budavacca pa prajekcie
