Lider hramadzianskaj kampanii «Jeŭrapiejskaja Biełaruś» Andrej Sańnikaŭ vystupiŭ sa zvarotam. U im jon zajaŭlaje pra ŭdzieł u vybarach.
«Łukašenka nie maje prava ŭdzielničać u vybarach, — zaznačaje jon pry hetym i tłumačyć. — Byli likvidavanyja palityčnyja praciŭniki Łukašenki. U 2004 hodzie jon u čarhovy raz pamianiaŭ kanstytucyju, zamachnuŭšysia na pažyćciovaje praŭleńnie. Byli parušanyja nie tolki zakony, ale i normy marali. Vyniki niepryznanych vybaraŭ i refierendumaŭ zabiaśpiečvała ciapierašniaja staršynia CVK Jarmošyna. Za falsifikacyju vybaraŭ mižnarodnaja supolnaść ŭviała suprać jaje sankcyi, jakija dziejničajuć da hetaha času».
Čamu ž Sańnikaŭ idzie na takija vybary?
«Siońnia źjaviłasia realnaja mahčymaść razarvać zahannaje koła», — tłumačyć jon.
Jon krytykuje vyniki kiravańnia Łukašenki: «Dziasiatki miljardaŭ dalaraŭ syšli nieviadoma kudy. Na praciahu mnohich hadoŭ hałoŭnym svaim dasiahnieńniem Łukašenka nazyvaŭ adsutnaść u krainie hoładu. Jaho palityka pryviała da taho, što za apošnija 16 hadoŭ kolkaść nasielnictva Biełarusi skaraciłasia na 700 000 čałaviek. My pavinny spynić dyktaturu, adnavić viaršenstva zakona, spynić źniščeńnie naroda».
Jon źviartajecca da prychilnikaŭ pieramienaŭ: «Ustupajcie ŭ maju inicyjatyŭnuju hrupu,źbirajcie podpisy, usimi dasiahalnymi sposabami raspaŭsiudžvajcie infarmacyju pra niepaźbiežnaść padzieńnia dyktatury i nieabchodnaść baraćby za svabodu, źbirajcie srodki dla vyrabu i raspaŭsiudu infarmacyjnych materyjałaŭ — heta dazvolena zakonam».
Jon paviedamlaje, što vyrašyŭ pradać svaju kvateru, kab udzielničać u vybarčaj kampanii.
Sańnikaŭ papiaredžvaje, što ŭžo «na pačatkovym etapie buduć sproby nierehistracyi inicyjatyŭnaj hruppy».
Svaim łozunham jon vyłučaje jon vyłučaje deviz «Za narmalnuju Biełaruś!»
Jon padaje taksama kantakty dla ŭstupleńnia ŭ svaju inicyjatyŭnuju hrupu:
Teł.:
Skajp: jauhen
