Hety razam za artykuły pra kamitet dziaržkantrolu.
13 vieraśnia ministr infarmacyi Aleh Pralaskoŭski padpisaŭ čarhovaje papiaredžańnie «Narodnaj voli». Hetym razam pa viersii Ministerstva infarmacyi niezaležnaja hazieta parušyła artykuł 4 Zakona «Ab ŚMI». Vydańnie vinavaciać u raspaŭsiudzie nieadpaviednaj rečaisnaści infarmacyi. Havorka idzie pra artykuły «KDB adpraviŭ dziaržkantrol u nakaŭt» i «U KDK razharajecca novy karupcyjny skandał».
U papiaredžańni Mininfarmacyi havorycca, što «raspaŭsiud niepraŭdzivaj infarmacyi pra dziejnaść Kamiteta dziaržaŭnaha kantrolu dyskredytuje ŭkazany orhan, moža admoŭna adbicca na jaho dziejnaści i paciahnuć inšyja niehatyŭnyja nastupstvy».
Nahadajem, što pieršaje papiaredžańnie ŭ najnoŭšaj historyi vydańnie atrymała ŭ listapadzie 2009 h. za publikacyju lista Ihara Drako, dzie Ministerstva infarmacyi pabačyła «zakliki da ekstremisckaj dziejnaści». U studzieni hetaha hoda hazieta atrymała papiaredžańnie za niapravilny pieralik hazietnych šapikaŭ, dzie možna padpisacca na «Narodnuju volu» pa lhotnaj canie. 31 maja ministr infarmacyi Aleh Pralaskoŭski vypisaŭ papiaredžańnie za publikacyju ŭ vydańni ŭspaminaŭ Illi Kopyła «Niabyšyna. Vajna».
