Fiederacyja prafsajuzaŭ Biełarusi padtrymaje na prezidenckich vybarach dziejnaha kiraŭnika dziaržavy Alaksandra Łukašenku. Ab hetym zajaviŭ žurnalistam 15 vieraśnia ŭ Minsku pierad adkryćciom6-ha źjezda FPB staršynia FPB Leanid Kozik.
Nahadajem, napiaredadni Pałata pradstaŭnikoŭ Nacyjanalnaha schodu abjaviła datu prezidenckich vybaraŭ na 19 śniežnia 2010 hoda.
Pavodle słoŭ Kozika, jašče ŭ śniežni minułaha hoda fiederacyja prafsajuzaŭ zajaviła, što padtrymaje kandydaturu Łukašenki na prezidenckich vybarach. U mai hetaha hoda FPB abjaviła ab hatoŭnaści sabrać podpisy dla vyłučeńnia ciapierašniaha prezidenta na pasadu kiraŭnika dziaržavy. Try dni tamu, pavodle słoŭ Kozika, FPB znoŭ ab hetym adkryta zajaviła.
«Čamu? Ja vam chaču rastłumačyć. Ja viedaju hetaha čałavieka šmat hadoŭ. Ja sam čałaviek ad sachi, ad stanka takarnaha. Ja baču, jak žyćcio raźvivajecca. Ja słuchaju tych, chto taksama choča vyłučacca, i baču ich realnyja spravy — tam nijakich realnych spraŭ naohuł niama», — skazaŭ Kozik.
«Niaŭžo vy dumajecie, što ja, jak staršynia FPB, budu dapamahać tym, chto prosta miele jazykom? Ja zaŭsiody skažu: davajcie vystupać za taho čałavieka, jaki kankretna robić spravy, jakija my bačym, adhukajecca na pytańni FPB, jaki dumaje ab tym, jak zarpłatu pavysić i inšaje», — zajaviŭ prafsajuzny lidar. Pavodle jaho słoŭ, Łukašenka «haniaje ŭrad», ale «ja šmat razoŭ havaryŭ, što jaho razhaniać treba pa try razy ŭ hod». «Ale nie słuchaje mianie prezident», — zaklučyŭ Kozik.
Pry hetym kiraŭnik FPB adznačyŭ, što fiederacyja nie maje namieru parušać dziejnyja ŭ Biełarusi zakony — usie pretendenty na pasadu prezidenta majuć roŭnyja pravy.
Jak paviedamiŭ kiraŭnik
Kiraŭnik