Žychar Ivanaŭskaha rajona padazrajecca ŭ zabojstvie dvuchhadovaj dziaŭčynki.
Jak paviedamili ŭ prakuratury rajona, dzicia razam z maci i babulaj pražyvała ŭ adnym ź sielskich nasielenych punktaŭ rajona.
Cieła miortvaj unučki 11 vieraśnia a vośmaj hadzinie viečara na łožku znajšła babula, jakaja pryjšła z pracy. U hety čas doma znachodziłasia maci dziciaci.
Sudova-miedycynskaja ekśpiertyza ŭstanaviła, što śmierć dziaŭčynki nastupiła z-za traŭmatyčnaha šoku ŭ vyniku pierałomu rebraŭ, razryvaŭ nyrki i piečani.
Prakuroram Ivanaŭskaha rajona 13 vieraśnia raspačata sprava pa p. 2 č. 2 art. 139 Kryminalnaha kodeksa (zabojstva zaviedama małaletniaha).
Pa padazreńni va ŭčynieńni złačynstva zatrymany 25-hadovy miascovy žychar, rabočy sielhaspradpryjemstva, jaki ŭ hety dzień prychodziŭ u hości da maci dziaŭčynki.
Padazrony źmieščany ŭ izalatar časovaha ŭtrymańnia. Śledstvam vyśviatlajucca abstaviny i pryčyny złačynstva.
Maci dziaŭčynki nie zamužam. Heta jaje pieršaje dzicia. Zahinułaja dziaŭčynka — invalid 2-j hrupy, u jaje byŭ parok serca.