Amierykanskaja kuracina, apracavanaja chłoram, praciahvaje pastupać u Rasiju praz krainy Mytnaha sajuza pad vyhladam pradukcyi hetych dziaržavaŭ, paviedamiŭ u aŭtorak RIA «Naviny» hałoŭny dziaržaŭny sanitarny doktar Rasii Hienadź Aniščanka.
U vieraśni RF źniała zabaronu na impart miasa ptuški z ZŠA ŭ dačynieńni da 83 z 87 amierykanskich kampanij. Na amierykanskaje miasa ptuški tradycyjna prypadała amal 80% impartu hetaj pradukcyi ŭ Rasiju. Kvota na pastaŭki na 2010 składaje 600 tysiač ton. Adnak z 1 studzienia 2010 u RF ustupili ŭ siłu novyja
zabaraniajuć apracoŭku miasa ptuški chłoram z bolš vysokaj kancentracyjaj, čym u pitnoj vadzie.Uvoz miasa ptuški z ZŠA byŭ časova spynieny, bo amierykanskija ptuškahadoŭcy vykarystoŭvajuć bolš vysokuju kancentracyju chłoru. Padčas pieramovaŭ baki damovilisia adnavić pastaŭki.
«Chaciełasia b adznačyć infarmacyju, jakuju my atrymali z dakładnych krynic i jakaja nas naściarožyła, — ab tym, što
robiacca sproby praz trecija krainy zavieźci nam kuracinu amierykanskich vytvorcaŭ, apracavanuju chłoram, pieraŭpakavanuju pad vytvorcaŭ trecich krain», —skazaŭ Aniščanka, dadaŭšy, što tyja «značnyja pryncypovyja pasłableńni, jakija my siońnia majem u miežach Mytnaha sajuza, palahčajuć mahčymaści takoha zavozu ŭ našu krainu».
Farmalna Mytny sajuz Rasii, Biełarusi i Kazachstana pačaŭ dziejničać z 1 studzienia hetaha hoda, chacia damova ab Mytnym kodeksie Mytnaha sajuza była padpisanaja ŭ Minsku 27 listapada 2009. Padpisańnie damovy było abumoŭlenaje nieabchodnaściu farmavańnia pravavoj bazy Mytnaha sajuza ŭ ramkach JeŭrAzES z ulikam pahłybleńnia intehracyi pamiž RF, Biełaruśsiu i Kazachstanam. U žniŭni 2010 Raśsielhasnahlad uklučyŭ u śpis pradpryjemstvaŭ Biełarusi, jakija majuć prava na pastaŭku žyviołahadoŭčaj pradukcyi ŭ RF, try arhanizacyi, rašeńnie było pryniataje ŭ adpaviednaści z narmatyŭnymi aktami Mytnaha sajuza.
Pry hetym Aniščanka zhadaŭ najaŭnaść «peŭnych ciažkaściaŭ» u supracoŭnictvie pa hetym pytańni z ZŠA, jakija ŭžo pierajšli na patrabavańni rasijskaha zakanadaŭstva pa apracoŭcy miasa ptuški.
«Na prafiesijnym uzroŭni my b užo daŭno pra ŭsio damovilisia, kali b tut nie było vialikaj palityčnaj nadbudovy», — skazaŭ Aniščanka.
Pa słovach hałoŭnaha sanitarnaha doktara, Rasija budzie «vielmi staranna abśledavać na ŭtrymańnie chłoru» ŭsie pieršyja partyi kurynaha miasa, jakija pryjduć u RF z ZŠA ŭ druhoj pałovie vieraśnia.
