Svajoj «fiškaj» izrailskija kinošniki zrabili nacyjanalnyja prablemy. Jaki film ni vaźmi — znajomyja ŭsio temy!
Arabaizrailski kanflikt u našumiełym (siur)realistyčnym multfilmie «Vals z Bašyram» (2008). Jon — spoviedź izrailcianina, što sprabuje adnavić u pamiaci hramadzianskuju vajnu ŭ Livanie.
Prablemy pastupovaha zabyćcia maładym pakaleńniem trahiedyj minułaha ŭ «Zroblena ŭ Izraili» (2001). Tut fantazija režysiora dazvoliła prasačyć za apošnimi dniami apošniaha nacysta, jakoha vykradajuć izrailskija śpiecsłužby.
«Vizit arkiestra» (2007): praz pamyłku jehipiecki arkiestr traplaje nie ŭ Dom kultury vialikaha izrailskaha miesta, a ŭ horadspadarožnik, jaki ŭvohule nie maje nijakich kulturnych ustanovaŭ. Vusnami hieraini, izrailskaj pravincyjałki, na pytańnie nieznajomca «Dzie znachodzicca Dom arabskaj kultury?» režysior Eran Kaliryn vielmi abjomista, paahulnačałaviečamu, adkazvaje: «Niama tut arabskaj kultury, niama tut i habrejskaj kultury, tut uvohule nijakaj kultury niama!» «Vizit arkiestra» — miełanchaličnaja kamiedyja, iraničnaja mieładrama pra adzinotu dvuch ludziej, araba i habrejki, što sustrelisia ŭ hetaj horkaj pravincyi z nazovam Ziamla.
Dla izrailskaha kiniematohrafa, jaki abjomami vytvorčaści padobny da biełaruskaha (tut za hod zdymajecca kolkaść filmaŭ, jakija možna paličyć pa palcach adnoj ruki), amal kožny novy film pavinien rabicca paśpiachovym. U 2000ia ŭ izrailcian heta stała ŭdavacca. Adnak hetamu pośpiechu papiaredničali šeryja dziesiacihodździ nieprykmietnych stužak, poŭnych praźmiernaściaŭ i pierakosaŭ.
Absalutnaje nieŭmiašańnie dziaržaŭnaj ideałohii ŭ tvorčy praces dazvoliła režysioram pierachvareć na čarnuchu, zbytkoŭnuju haliznu ŭ kadry i niedarečnyja kamiedyiviesiałuchi. I voś: paśla sotniaŭ sprobaŭ i pamyłak kolkaść pierarasła ŭ jakaść, a ciažkaści izrailskaj historyi — u kałaryjnuju spažyvu dla tvorčaści. «Damarosły» pierastaje być abraźlivym słovam. Nacyjanalnyja prablemy zastalisia nacyjanalnymi prablemami, ale hučać jany stali na poŭny hołas, mižnarodna, dy ŭ ich inšyja narody znachodziać kryšku svajho. Kab być pačutym, treba kazać cicha, z tutejšym vymaŭleńniem.
