Sustreča kiraŭnika MZS Ukrainy Kanstancina Hryščanki i lidera «Jeŭrapiejskaj Biełarusi» adbyłasia 8 vieraśnia ŭ Minsku.
«My daŭno znajomyja z Kanstancinam Ivanavičam Hryščankam, razam pracavali ŭ 1990-ja hady, ŭznačalvali delehacyi Ukrainy i Biełarusi na mižnarodnych pieramovach pa razzbrajeńniu, tamu padtrymlivajem dobryja asabistyja kantakty. Biezumoŭna, abmiarkoŭvałasia situacyja na Ukrainie i Biełarusi, adnosiny dźviuch našych dziaržaŭ. Ja časta pryvodžu ŭkrainskuju madel jak madel, jakaja moža być realizavana i ŭ Biełarusi. Heta stratehičny kurs na intehracyju ŭ Jeŭraźviaz, imhniennaje palapšeńnie stasunkaŭ z Rasiejaj i vybudoŭvańnie stratehičnaha partniorstva z Rasiejaj. My bačym, što na Ukrainie jana pracuje, i prezident Ukrainy Viktar Janukovič maje dobryja adnosiny, jak z rasiejskim kiraŭnictvam, tak i z kiraŭnictvam dziaržaŭ-siabroŭ Jeŭraźviaza i Złučanych Štataŭ», - paviedamiŭ kandydat u prezidenty Biełarusi Andrej Sańnikaŭ.
U hety ž dzień lider «Jeŭrapiejskaj Biełarusi» sustrakaŭsia z kiraŭnikom MZS Litvy Aŭdroniusam Ažubalisam. U sustrečy ŭdzielničaŭ taksama lider ruchu i «Za svabodu» Alaksandr Milinkievič i inšyja pradstaŭniki apazicyi.
«Pierš za ŭsio, ja padziakavaŭ MZS Litvy za zajavu ŭ suviazi z hibiellu Aleha Biabienina. Na sustrečy abmiarkoŭvalisia pytańni adnosinaŭ Jeŭraźviaza i Litvy da chutkich prezidenckich vybaraŭ i ŭ cełym da situacyi ŭ Biełarusi», - paviedamiŭ Sańnikaŭ.
